İraği 1-nə vəzir Heydər Əlebadi yanvari 24 ədə Amerika tojə prezident Donald Trampi sxanon reaksiyaədə voteşe: İraği sərzəminədə bıə nati moyə və ehtiyaton bə İraği millət aide.

Bə Əlaləm raporti əsos: Donald Tramp, çı Amerika mərkəziyə informasiya təşkilat(SİA)-i rəsmion cəmədə iddiaş kardə ki: 2003-nə sori bə İrağ hərbiyə hucumi xərcon təmin karde əvəzi, Amerika bəbe çın kişvəri nati ehtiyaton soyb əbi və ıştə ixtiyor əqtə bi.

Tramp iddeaş kardə: əqə Amerika çı İraği nati çoləon soyb bıə be ısət İrağədə DAEŞ terroristiyə qrup həm ne əbi.

Çı Trampi jıqonə iddiyaon qıləy vəziyət və şərayetədə bəyon bedə ki, əv ıştə iminə xəbəiyə iclosədə ğeyd kardəş be, DAEŞi bino karde əsliyə amil Barak Obama be.

DAEŞ terroristiyə qrup ısət de Amerika və ğərbi-ərəbiyə kişvəron puli ijən silahinə himoyəon vasitə çan sor hestə ki məntəğədə məxsusən Suriyə və İrağədə bə vəhşiyə cinoyəton əncon doe məşğulin.