Ğuds beynəlxalğə ruji astanədə Azəri məhbusə ruhani mesaj.
Azərbaycan Respublika zindonədə məhbusə ruhani Haci Abqul Suleyman de məxsus mesaji vığandey Ğuds beynəlxalğə ruji bə zalimon etiroz kardey ruj bə hisobış varde.
Bə Ğəfğaz Həğiğəton sayti raporti əsos, Azərbaycan Respublika zindonədə mubariz iyən məhbusə ruhani Haci Abqul Suleyman tojədən zindoniku mısajış vığandə və votışe: Ğuds beynəlxalğə ruji sionist rejimi cinoyəton vədə Fələstini məzlumonku himoyədorəti kardeye.
Xəbə omə ki Buko zindonədə məhbus bıə co qılə ruhani Haci Tale Bağırzodə həm zindoniku elanış karde: Ukrayna şərayeti barədə bəşər həxonku himoyə əkəyon de Fələstini məsələdə sukuti ıştə iddo du bey nışo doşone və bois bıən ki sioniston cinoyət ısət bə Fələstinıjon kə varid bıbu.
Bağırzodə təsdiğış karde: sioniston işğalçiyəti vədə dınyo təşkiloton sukut əmələn Fələstinədə faciə bois bıə.
Azərbaycan Respublika mısılmonon i bemon təşkiloti rəis əlovəş karde: şək ni ki Ğuds deştə muğaviməti islam dınyo həmməy dışmenon xususi siyonist rejimi məğlub bəkarde ki həmonə ruj di ni.
De Fələstin məzlumə milləti dınyo mısılmono iyən ozod tələbon ıştə vəhdəti nışo doeyro və de İroni islami nizomi təsisəkə mərhum İmom Xomeyni (r)- tədbir və təşəbbusi mubarək Rujəmo oxonə cımə ruj bənə Ğuds beynəlxalğə ruji intixob bıə.
Omə haftə Fevrali 22 yəni Rəməzoni 27 minnə ruj Ğuds beynəlxalğə ruj ğeyd bıə.
