Tehroni cımə imom: Bəşar Əsədi səfər bə Tehron qıləy steratejikə səfər be.
Tehroni zinə ruji cımə İmomi xətib Suriyə prezident Bəşar Əsədi bə Tehron səfər kardey qıləy steratejikə koy bə hisobış varde.
Tehroni cımə imom Ayətullah Seyd Əhməd Xatəmi zinə Tehroni cımə nımoji xutbəonədə Bəşar Əsəd iyən İroni Yolə Rəhbəri miyono vindemoni barədə votışe: ın səfər çı muğavimət cəhbə zumandəti bois bıə.
Əv təkidış karde: de sionist rejimi mubarizə bardey meydonədə Suriyə i minnə səfədəy.
Xatəmi çı Ğətəri kerali bə Tehron səfəri həm iğtisodi cəhəto bənə vey muhimmə steratejik səfəri bə hisobış varde və votışe: əqəçe ın səfər iğtisodi cəhəto əhəmiyyətış bəbe əmmo vey muhimmə məsələ həminə vindemonədə bıə İroni sıhbəton be ki hamiyəş be: sionist rejim bə har vırə ki varid bıdə əyo fəsod icod bəbe, ın vindemon qıləy anti sionist manevr be.
Tehroni Tehroni cımə imom ijən votışe: Fars dıyo hamsuyə kişvəron bə zumandə İroni xatircəm bıbun boçiki İron həmonə kişvəre ki vey behroninə zəmonədə bəvon koməkəy.
Ayətullah Seyd Əhməd Xatəmi təsdiğış karde: Amerkə, Britanya iyən sionist cəllodə rejim təkyə kardənin nin bəlkəm ım İrone ki bəy ttəkyə karde bəbe.
