İraği şimolədə çı Tırkiyə hərbionku tojə tələfot.
Bə İraği şimoli məntəğon çı Tırkiyə hərbiçion tojə beğanunə əməliyoti nəticədə 1 nəfər çı Ankara əmniyəti ğıvvon kıştə bıə.
Bə Tırkiyə TRT sayti raporti əsos, iyən çı Tırkiyə milli mudafiyə nəğliku, zinə İraği şimol məntəğonədə bıə Tırkiyə beğanunə hərbi əməliyoti nəticədə ki de PKK mubarizə barde holədə əncom bıə 1 nəfər çı Ankara hərbion həminə qurupi uzvon qullə ğandey nəticədə kıştə bıə.
In qıle holədəy ki dəvardə 2 sori mıddətədə Tırkiyə hərbi əməliyaton bə İraği şimol məntəğon şiddət ziyod bıə.
Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.
In həmləon nəticədə çandə çı İrağ və Suriyə ğeyri hərbi kırdon avarə bıən.
40 sor bəbe ki Tırkiyə iyən PKK qurupi miyono daveon dəvom kardedə.
