Bağıri: İron və Ğətəri məşvərəton, məntəğə stabiləti mehkəm kardey bois bəbe.
İron İslam Respublika xarıci koon vəziri siyasi muavin de Ğətəri xarıci vəzarətxonə rəsmi şəxson vindemonədə 2 qılə kişvəri məşverəton, məntəğə stabiləti mıhkəm kardey amil zıneydə.
Bə Fars aqentiyəti raporti əsos, İron İslam Respublika ali muzakirəkə iyən xarıci koon vəziri siyasi muavin, Əli Bağıri ki bə Doha səfərış kardə be, zinə de Ğətəri xarıci vəziri rəsmi şəxs Əhməd Əlhəmadi iyən Ğətəri vəzarətxonə məntəğə muavin Muhəmməd Əlxəlifi vindemon iyən votımonış kardə.
Im vindemonədə 2 tərəf bə 2 qılə kişvəri məşverəton iyən rabitəon hevujəti təkidışon be.
Im vindemonədə İron İslam Respublika xarıci koon vəziri siyasi muavin bə İron İslam Respublika prezidenti bə Ğətəri tojə səfər iyən Ğətəri kerali səfəri bə İron İslam Respublika işorəş karde və votışe: ım səfəron mıştərəkə həmkarion əlovə beyro, 2 qılə kişvəri rəsmi şəxson irodəon nışonəy.
Əv ijən əlovəş do: 2 tərəfə daimə məşvərəton, məntəğə stabiləti mıhkəm kardedə.
Bağıri ıştə sıxənon oxoədə ım dıvrə sanksiyaon məhv kardey muzakirəonədə, Ğətəri mizbonətiku təşəkkurış kardə.
Im vindemonədə Əhməd Əlhadi həm bə 2 qılə kişvəri mıştərəkə baxşon işorəş karde və bə Ğətər iyən İron İslam Respublika bə inkişof rəsey rabitəon təkidış be.