Bə Ğətər İroni ixracati vey bey proqnoz beydə
İron və Ğətəri mıştərəkə ticari palata rəisi canışin votışe: proqonoz bıdə tosə vəoməy 2 sori mıddətədə, Bə Ğətər İroni ixracati miğdor 1 milyard dollar əlovə bəbe.
Zinə İron və Ğətəri mıştərəkə ticari palata rəisi canışin Xorşid Qəzdərazi de İrna votımonədə bə İron bə Ğətəri ticari heyəti tojə səfər işorəş karde iyən əlovəş do: Ğətərədə İroni ticari mərkəz bino bey, de ticarət, məədən, sənaye vəzarətxonə bə inkişof rəsey mərkəzi mehvəriyət, Ğətərədə İroni iğtisodi mışoviri bə ko noey, iğtisodi zərfiyətonku əcumlə Həmd nomo bıə ozodə məntəğəku vindemon kardey, İroni bə Ğətəri ticari heyəti səfəri erjinə nəticəonin.
İron və Ğətəri mıştərəkə ticari palata rəisi canışin ijən votışe: Miladi 2022 minnə sori futbolə beynəlxalğə cami mısofiron istifodə kardeyro, Ğətər və İroni cənubi bəndəron miyono mısofırə kəştion icod kardeyku, ğətər kişvəri rizoyəti, ım səfəri co qılə muvəffəğiyəton be.
Halihazırədə, İron və Ğətəri ticarət, təğribən 300 tosə 400 milyon dollare.
