Astanə şəhrədə Suriyə sulh muzakirəon bə təxir eqine.
-
Astanə şəhrədə Suriyə sulh muzakirəon bə təxir eqine.
Çı Suriyə sulh muzakirəon 3 minə dıvrə iclos ki ğərar be ımruj Ğəzaxıstanədə bərpo bıbu, Tırkiyə ijən Suriyə silohinə muxalifə ğıvvon ne oməy xoto bə təxir əqniye ijən ğərare maştə bərpo bıbu.
Bə rəse xəbəon əsosi çı Əlaləm aqentiyətiku maştəvoni iclosədə ğərare ki Suriyə dıvləti muxalifə silohinə qrupon Tırkiyə və Suriyə dıvlətiku heyəton, İron və Suriyə rəsmion, həmçınin i bıə milləton təşkilatədə Suriyə bohrani həl əkə kamissiya sədr Stefan Dimistoda de Amerika və Yardaniya nımoyəndəon bə i co huzurışon bıbu.
Im muzakirəon ki çəy i minə dıvrə Yanvari 23 və 24 və Ğəzaxıstanədə de İron, Tırkiyə və Suriyə təklifon və Suriyədə sulhi bərğəror karde xoto bino bıə be boiys be ki i minə kərə çı Suriyə dıvlət və muxalif silohinə ğıvvon miyono sə rostə muzakirəon əncom bıbu.
Dəvardə hatfədə həm Astanədə Suriyə sulh muzakirəon 2 minə hissə de Rusiyə, İron, Tirkiyə və i bıə milləton təşkilatiku nımoyəndəon huzuri ijən bo Suriyə otəş basti çımiku vey stabil karde ijən de xatircəm əkə roon vasitə bəy nəzorət karde bərpo bıə be.
Suriyədə bohran ısət bə 6 sor nezi ki de Ərəbıston, Amerkə və Tırkiyə ijən siyonizm rejimi muzduron və roon cinoyəton vasitə dəvomış heste, əvon pidəşon bən Bəşşar Əsədi ğanuni dıvləti məhv bıkən.
