Bə İroni ələyh sanksiyaon peqətey muzakirəon, İron və Ğətəri xarıci vəziron votımoni mehvər.
Ğətəri xarıci vəzir de İroni xarıci vəziri telefoniyə votımonədə təkidış karde ki Ğətər umidış heste Tehron və Vaşenqton karde bəznen bə atomiyə təvafuği məsələ bəji kardeyro deyande təvafuğ kon.
Avqustə manqi 4 minnə ruj yəni Pencşəmbə rujiku, Avstriya paytəxt, Viyanaədə, anti İron zalımonə sanksiyaon peqətey muzakirəon tojə dıvrə bino bıə, və Avqustə manqi 8 minnə rujədə sə bıə
Həminə cəhətədə, həmmçınin de muzakirəon həmohənqəkə Enrike Mora, votımonon iyən rabitəon dəvom bey holədəy.
Çımiku bənav həm İroni xarıci vəzarətxonə rəsmi şəxsonku qıləyni bə ım nuktə işorəş karde ki muzakirəon həmohənqəkə Enrike Mora, bə muzakirəkə tərəfon çand qılə idea bəyonış karde iyən votışe: iminnə nəzəon iyən cəvobon bə komilə təhğiğon ehtiyoce, və bə Mora iyən co tərəfon, çəmə nəzəon elan bəbe.
Viyana votımononədə vey iştirokəkə kişvəron bə İroni ələyh ğəyre ğanuni və zalımonə sanksiyaon peqətey mehvəri əsos, muzakirəon vey rə sə bey pidəşone, əmmo bə ım vırə rosniye, çand qılə muhimmə mıvzoon barədə, bə Amerkə siyasi ğərolon vabəstəy.
Həminə cəhətədə və bə Fars aqentiyəti raporti əsos, zinə Ğətəri xarıci vəzir və çəy iminnə muavin Şeyx Muhəmməd İbne Əbdull Rəhman Ale Sani de İron İslam Respublika xarıci vəzir Huseyn Əmirəbdullahiyan votımonışon karde.
Sanksiyaon peqətey muzakirəon həminə votımoni mıvzoonku be. Ale sani ijən bəyonış karde Ğətər umidış heste ki atomiyə sazış ədolətə surətədə icod bıbu ki bə həmmə tərəfon niqəronion diğğət bıbu.
Əv ijən təsdiğış karde: ım ədolətinə təvafuğ bois bəbe məntəğə əmniyyət və stabiləti mənafe icod bıbu.
