Bə Şiəyon 3 minnə İmomi durdonə şəhodətə ruji xoto
Bə Mısılmınon məxsusən bə şiəyon camiyə nığılə təsir noə muhim iyən əbədi mandə hodisəonku qıləyni,çı Kərbəlo dıjdə fociyə və hodisə be.
çoko ki,zıneydon torıxi dırozi həcm iyən co cəhətonədə bəsə Aşurə vağiyəsə həm sanqin hodisəon bə əməl omə.əmmo çəvon hiç qıləyni çı camiyə mədəni iyən iştimoyi jimoni ərəsədə jəqo həm qıləy rolış ifo kardəni.beşək Aşurə ım dıjd və odəmi dıli sutunə vağiyə əbədə mandey səbəbon,əyo şəhid bıə yolə şəxsiyyətone. İmom Huseyn(ə) iyən çə həzrəti msilışon nıbə əshob və nezə odəmon nuroniyə şəxsiyyət və çəvon canqi saxtə ləzonədə de insoniyyət,ozodəti,şucoət,imoni pur bıə rəftoron və mənəvi iyən həyotəbaxşə xutbəon handey və həmmə çuiyon və çokətiyon çın vağiyə və hodisə əbədi mandey zəminəş hozzı kardə.....
Aşurə ruji İmom Huseyni(ə) şəhodəti bəpeştə coqılə dıjdə inğılob həm bə əməl ome ki,əv həm Kərbəlo faciyə mesaji bə qırd dıdnyo rosnə kəson hərəkətiku iborət be.Kərbəlo odəmi dıli sutunə hodisə cinoyətkoron bo həxı çı miyoniku bardey və əy komilə surətədə məf kardseroçı Kərbəlo şəhidon cəsədonışon çı asbon lınqi jiyədə hırdışon karde.peşo çəvon poə-poə bıə pokə bədənonışon bəsə Kərbəlo qam iyən sı bıə zəminisə haşteşone ta çəvonku hiç qıləy ğəb və əəsər-əlomət nımando.çəy bədiqə həm çı risolət yolə xanedanışon əsir karde ta camiyədə bəçəvon sıxan votey mane bıbon.həni xəbəşon nıbe ki,həmonə əsiron bo həyğəti sədo bə qırd dınyo quşi rosneyədə qıləy dıjd iyən mislış nıbə rol ifo bəkardeyn.....
Kərbəlo faciyə şəxsiyyətonku qıləyni ki,çı Aşurə mesaji bə dınyo milləti quşi rosneyədə muhimmə rol ifo kardəşe,İmom Huseyni(ə) azizə kinə həzrəte Ruğəyyəy(s).həzrəte Ruğəyyə(s) Rəği maddəku tərəğği iyən bəpe şıey mənoədəy.çə həzrəti əslə nom Fatimə və Fatimeyi-Suğray və Ruğəyyə çə həzrəti ləğəbonku qıləyniye.çun İmom Huseyn(ə)ıştə buzuruquvarə inəş xey piyedəbe və bo ım nomi iyən ə həzrəti zikri oqəteyro Xıdovəndi bə ə həzrəti əto kardə har qıləy kinə nomi Fatimə noydəbe.çoko çanədə zoə fərzəndış hestebe,bəştə buzuruquvarə pı nom iyən ehtıromi xoto,çəvon nomi Əli noydəbe.həlbəttə jıqo bənə iyande bıə nomon bənə nıvıştemoni imkonaton kam nıbey məsələon və bənə əməvi zolımkorə hukuməton etosiniyə siyosəton və bə hodisəon cuziyyati ğeyd kardeyədə kamə dığğət kardey və hukuməti bə siyrə iyn torx nıvıştə kəson bıə təzyiğ,bə torıxi təhğığatəkəyon miyono ixtilofon boyis bıə və həmonə ko bə həzrəte Ruğəyyə(s) vucudi əsli barədə çı bedinə insonon tərəfiku şubhəon bə əməl omə,qıləy holədə ki, hiçvaxti çəvon kamə məlumoton torıxədə bə jıqo qıləy şəxiyyəti nıbey dəlil ni....
Hilal ibn Nafe ki.yəzidi sərbozonku qıləyni be nəğl kardedə:navnə səffədə mandəbim.vindeme ki,İmom Huseyni(ə) deştə əhli-beyti vido kardey bəpeştə bə meydoni səmt hərəkətış karde.bın zəmon ğəflətən çımı çəşon bə qıləy qədə kinə eqıniye ki,çı xeyməku xaric be və de larzə qəmon vitey-vite ıştənış bə həzrət İmom Huseyni(ə) rosneşe və voteşe:ya Əbəh!unzur iləy.fəinni ətşan.bobocon.bəmı nəzəkə az təşnəm.qıləy qədə kinə zıvoniku jıqo odəmi dıli sutunə ım kırtə sıxani məsey bəpeştə,İmom Huseyni(ə)sima jıqo əvəz be ki,beixtiyor çə həzrəti çəşonku ars cari be və de bəmə çəşon bəştə həmonə kinə hamyeşe:”buneyyə.Allahu yusğik fəinnəhu vəkili.çımı kinə zınedəm tı təşnəş.Xıdo tıni sirob bəkarde.zira əv çımı vəkil iyən pənohqoye.....
