Əmirəbdullahiyan tərəfiku Ərbəine Huseyni(ə) zairon vəziyəti təğib kardey.
İroni xarıci vəzir de Bəğdadədə İroni səfir və Bəsrə, Kərbəlo və Nəcəfədə bıə sərkonsulon telefoniyə təmasi vositə, Ərbəine Huseyn(ə)-i zairon oxonə vəziyəti təğibış karde.
Bə İrna raporti əsos, Huseyn Əmirəbdullahiyan işorəş karde ki əlovə bə İrağədə İron İslam Respublika nımoyəndəon bərğəror bey diplomaton, Kərbəlo, Nəcəf və Bəsrədə 45 nəfər xarıci vəzarətxonə həmkoon həm de dovtələbonə surətədə bə zairon konsuli xıdməton iroə bədon.
Huseyn Əmirəbdullahiyan həmçınin bə Ərbəine Huseyni(ə) zairon komək iyən çəvonku ğəbul kardey xoto, İraği yolə milləton, dıvlət və co qılə baxşonku səmimi surət ğədrdonətiş karde.
Hicri Ğəməri 1444 minnə sori səfə manqi 20, miladi 2022 minnə sori sentiyabri 17, Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, həminə rujədə çand milyon zair İmom Huseyn(ə)-i pokə hərəmi ziyorət kardeyro bə İraği cənubədə bıə Kərbəlo şəhri səfər bəkan.
Dəvardə rujonədə Ərbəine Huseyni(ə) zairon bə Kərbəlo muğəddəsə şəhr hərəkət bino bıə və vəoməy rujonədə bəştə pikədə bərəse.
