İrağədə avtobusi tıpemoni cərəyonədə, 41 nəfər kıştə iyən zəxmin bıən, Zəxmin bıə kəsonku kali kəson İronıjə zayronin.
İroni Sıə Hiloli cəmiyəti yol votışe: bə rəsə raporton əsos, İraği Babel ostani Şomli şəhrədə və qıləy benzin pur kardə stansiyaədə avtobusi tepemoni cərəyonədə 11 nəfər kıştə iyən 30 nəfər zəxmin bıən.
Bə İrna raporti əsos, Zinə İroni Sıə Hiloli cəmiyəti yol PirHuseyn Kolivənd əlovəş karde: həmonə vırə hodisədə, İroni Sıə Hiloli Ambulans iştirokışon kardə iyən komək kardey əməliyaton əncom dodən.
Kolivənd ijən bəyonış karde: zəxmin bıə kəson miyonədə İronıjon zaeron həm ıştirokışone, əv ijən əlovəş karde: kıştə bıə kəson milliyət iyən şəxsiyət məlum ni iyən komilə məlumaton elam bəbe.
İroni ğərb, İlam ostani Sıə Hiloli cəmiyəti yol Ğolamrıza Əlimuhəmmədi votışe: benzin pur kardə stansiya nezədə tepemoni hodisədə qıləy maşini tepemoni xoto, 3 qılə maşin de şiddətinə tepemoni hodisə icorış kardə.
Bə İlam Sıə Hiloli Cəmiyəti yoli votey əsos, hodisə şiddət vey be, bə çəy xoto məlum ni ki çand nəfər İroni iyən çand nəfər İraği bin əmmo beşək çəvon miyonədə İronıjə zairon həm hestin.
