İroni kişvəri pəremoni təşkilati sıxənəvot: 78 həzoku vey zayir bə İraği ayreporton vığandey.
İroni kişvəri pəremoni təşkilati sıxənəvot: tosə bə ısət, həvoiyə royku, 78 həzoku vey Ərbəyine Huseyn(ə)-i zayir bə İraği airporton vığandə bıən.
Bə Tele-Rədio aqentiyəti raporti əsos, İroni kişvəri həvo təşkilati sıxənəvot Mirəkbər Rəzəvi əlovəş karde: Ərbəine Huseyn(ə)-i əyyomədə, İroni təyyorəon 100 həzo zayir bə Bəğdad və Nəcəfi airporton ovoştoniyəşone iyən obəqardonən və İroni 17 qılə airportonku ım pəreon əncom bəbe.
İroni kişvəri pəremoni təşkilati sıxənəvot: Nəcəfe Əşrəfi airportədə, İroni pəremoni təşkilati dəftəxonədə çand qılə nımoyəndə iştirokışone iyən ləzə bə ləzə İroni zayiron bə İrağ şe-omey kontrol kardedən.
Hicri Ğəməri 1444 minnə sori səfə manqi 20, miladi 2022 minnə sori sentiyabri 17, Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, həminə rujədə çand milyon zair İmom Huseyn(ə)-i pokə hərəmi ziyorət kardeyro bə İraği cənubədə bıə Kərbəlo şəhri səfər bəkan.
Dəvardə soronədə, mısılmonon və vo İlahi dinon tərəfdoronku kali, bə İmom Huseyn(ə)-i şəhodətə Ərbəini çand ruj mandə, de şemoni royku Nəcəf iyən İraği co şəhronku ıştəni bə Kərbəlo və İmom Huseyn(ə)-i pokə hərəm rosniyedən.
Çand ruj bə Ərbəyine Huseyn(ə)-i mandə ziyiron səfəri bə Kərbəlo muğəddəsə şəhri bəştə pikədə rəsedə.
