İron İslam Respublika prezident: Ərbəyine Huseyn(ə) qıləy İlahi mıcuzə iyən mısılmonon vəhdəti nışonəy.
İron İslam Respublika prezident, Ərbəyine Huseyn(ə) qıləy İlahi mıcuzə iyən mısılmonon vəhdəti nışonə zıneydə iyən təkidış karde: Aşura həmçınan bəjie iyən bəji bəmande.
Bə İrna raporti əsos, zinə rujədə, Tehronədə Ərbəyine Huseyn(ə)-i şemoni mandə bıə kəson iyən jurnaliston miyonədə, İron İslam Respublika prezident, Sed İbrahim Rəisi, əlovəş karde: Ərbəyine Huseyn(ə) mısılmonon vəhdəti nışonəonin.
İron İslam Respublika prezident ijən təsdiğış karde: Ərbəyin həmçınin islamiyə muğavimətiku simvole iyən nışoş do ki Aşura həmçınan bəjie iyən bəji bəmando.
Zinə şanbə Hicri Ğəməri 1444 minnə sori səfərə manqi 20 (2022 minnə sori sentiyabri 17 dınyo şiəyon 3 minnə imom Həzrət imom Huseyn(ə) və həzrəti bəfodorə əshabi şəhodəti ərbəin Kərbəlo səhraədəy.
Həmmə dınyoədə əcumlə İron İslam Respublikaku çandə milyon zair ım rujədə Ərbəine Huseyni(ə) mərosimədə iştirak kardeyro bə İraği cənub Kərbəlo şəhr daxil bedən.
De İmom Huseyn(ə) iyən çəy bəfodorə əshabon şəhodətə Ərbəyini həmzəman, zinə sıb çand həzo Tehroni millət İmom Huseyn(ə)-i meydoniku bə Tehroni cənub, Rey Şəhrıstonədə Həzrəte Əbduləzim Həsəni pokə hərəmi səmt hərəkətışon kardə və bə İsmət və Təharət xandan, irodət iyən eşği əzəmətinə səhnəon nışoşon do.
