İron və Ğətəri miyono nəğliyot xətton əlovə bey.
İroni şəhr soxtey iyən roy vəzir de Ğətəri nəğliyot vəziri vindemonədə 2 qılə kişvəri miyono sərnışin nəğliyot xətti icod kardeyro iminnə təvafuğ iyən 2 tərəfiyə nəğliyot xətton əlovə bey barədə təvafuğışon kardə.
Bə Tele-Rədio aqentiyəti raporti əsos, İroni roy iyən şəhr soxtey vəzir ki de dıyo iyən həvo baxşədə bıə deştə muavinonku şomil bıə heyəti bə ico bə Ğətər varid bıə, de Ğətəri iminnə vəzir Xaled İbne Xğlifə İbne Əbduləziz Alsani iyən Ğətəri nəğliyoti vəzir Casem İbne Seyf Əlsəliti vindemon iyən votımonış karde.
Im vindemonədə ki Ğətəri ticarət vəzir və Ğətəri turizm təşkilati yol iyən Ğətəri İroyz nomo bıə şirkəti mudir həm iştirokışon be, 2 qılə kişvəri miyono nəğliyot xətton əlovə bey barədə əcumlə həvo iyən dıyo baxşədə həmkarətionku sıhbət bıə iyən həvoiyə baxşədə təvafuğ bıə ki de İroni turizmon miğdor bərobər 2 qılə kişvəron tərəfiku pəremoni icozə sadir bıbu.
Həmçınin dıyo nəğliyot barədə həm sərnışin nəğliyot xətti icod beyro iminnə təvafuğon əncom bıə.
Bə dınyo futbol çempionati İronıjə təmşoəkəyon səfəri xərcon kam karde co qılə mıvzoon be ki çəy barədə təvafuğ bıə.
Həmçınin ım iclosədə Ğətəri kişvəri investoron sərmoyə noe imkoni barədə muzakirə bıə ta Ğətəri sərmoyə noə kəson İronədə nəğliyot baxşədə bıə planonədə xususi porton inkişof proyektonədə iştirok bıkon.
