Məntəğə koonədə bıə Ğətəri xarıci vəziri muavin de İroni xarıci vəziri vindemon kardey
Məntəğə koonədə bıə Ğətəri xarıci vəziri muavin de İroni xarıci vəziri vindemon iyən 2 qılə kişvəri vey muhimmə məsələon barədə de yande sıhbətışon kardə.
Bə İsna aqentiyəti raporti əsos, zinə rujədə, İroni xarıci vəzir, Huseyn Əmirəbdullahiyan de məntəğə koonədə bıə Ğətəri xarıci vəziri muavin Muhımməd Ben Əbduləziz Əlxəlifi vindemoni cərəyonədə, iğtisod və kunsoli və siyasi muxtəlifə baxşonədə 2tərəfiyə rabitəon vey barz iyən çok zıneydə iyən nakonə vindemononədə bə 2 qılə kişvəri prezidenton təvafuğon icro bey təkidış karde.
Ğətəri xarıci koon vəziri muavin həm bə İroni xarıci vəzir Ğətəri xarıci vəziri mesaji təğdimış karde iyən həmkoətion hevujəti və bə inkişof rosniyero Ğətəri dıvləti hozzoəti elanış karde.
İroni xarıci siyasətədə Ğətər əcumlə vey muhimm iyən hədəfinə kişvər be və bə 2 qılə kişvəri torixiyə rabitəon diyə kardey nışoş do ki həmişə Tehron-Doha rabitəon vey nığıl iyən bə inkişof rosniye be.