De şəhidə şərdoron şəhodəti sorəqardışi həmzəman, Bəğdadi beynəlxalğə ayrporti varid beyədə, şiddətinə əmniyyəti tədbiron əncom bey
Amerkə həmlə cərəyonədə və de Sərdor Ğasım Suleymani və Əbuməhdi Əlmuhəndesi şəhodəti 3 minnə sorəqardışi həmzəman, Bəğdadi beynəlxalğə airport əmniyyəti şiddətinə tədbiron şoyde.
Bə Deşəmbə ruji Şəfəğ mərkəzi raporti əsos, qıləy İrağiyə əmniyyəti mənbə elanış karde: İron İslom Respublika Sepah Təşkiloti Ğuds ğıvvə komandir Sərdor Ğasım Suleymani iyən İraği Həşdulşəbi yoli muavin Əboməhdi Əlmuhəndesi şəhodəti 3minnə sorəqardışi yolqətey mərosimi əmniyyəti plani cəhəto, Bəğdadi beynlxalğə airporti varid bey şiddətinə əmniyyəti tədbiron şoyde.
Milodi 2020 minnə sori Yanvari 3 minnə rujədə, İslomiyə İnğilobi Sepah Təşkiloti Ğuds nomo bıə ğıvvə nakonə komandir, Sərdor Ğasım Suleymani qıləy holədə ki bə İraği rəsmi şəxson rəsmiyə dəvəti əsos bə ım kişvər dəvətış kardə be, Bəğdadi airporti nezədə Amerkəvıjə terrorist iyən mıtəcuvizə ğıvvon həvoiyə həmlə cərəyonədə, və de İraği milləti bəsici yoli muavin Əbuməhdi Əlmuhəndes iyən 8 nəfər çəy canqəkəyon bə ico şəhd bıə.
