İron və Ğətəri xarıci vəziron miyono votımon iyən vindemon
Ğətəri xarıci vəzir de İroni xarıci vəzir vindemon iyən iştirokinə məsələon barədə deu yande votımonışon kardə.
Bə İsna aqentiyəti raporti əsos, Ğətəri xarıci vəzir Muhəmməd İbne Əbdullah Ale Sani ki zinə ruj bə Tehron səfərış kardə be de İroni xarıci vəzir Huseyn Əmirəbdullahiyan vindemonış karde iyən 2 tərəf məntəğə, beynəlxalğ iyən 2 tərəfiyə məsələon barədə de yande votımonışon kardə.
Dəvardə manqonədə, İron və Ğətəri xarıci vəziron3 kərə telefoniyə votımoni ğolibədə, muxtəlifə məsələon əcumlə 2 qılə kişvəri rabitəon inkişof doey iyən məntəğə mıvzoon de yande votımonışon kardə.
Bə həminə raporti əsos, Ğətəri xarıci vəzir bə Tehroni səfəri cərəyonədə, əlovə bə de xarıci vəziri vindemon, de İroni ali rotbə rəsmi şəxsonku co qılə şəxson məşvərət iyən sıhbətış bəkarde.
İroni xarıci siyasətədə, Ğətər əcumlə hədəf iyən vey muhimmə kişvəronku bə hisob omeydə və torixədə diyə kardey 2 qılə kişvəri rabitəon nışo dodə ki Tehron-Doha rabitəon həmişə nığıl iyən bə nav şey cəhətədə be.
