De Həzrəte Əbulfəzl Əbbas(ə) milad ruji sorqardışi mınosıbəti təbrik.
Imruj Hicri Ğəməri 1444-nə sori Şəbanə manqi 4 Miladi 2023-nə sori Fevralə manqi 25 ijən de Həzrəte Əbulfəzl Əbbas(ə) milad ruji sorqardış bərobəre.
Hecri Ğəməri 26-nə sori Şəbani 4, dınyo şiəyon 1-nə İmom Həzrəte İmom Əli(ə)-i fərzəndonku, Ğəməre Bəni Haşem, Kərbəlo Ələmdor iyən Səğğa Həzrəte Əbulfəzl Əbbas(ə) Mədinə şəhrədə bə dınyo omə.
Ə Həzrəti qerami moə Umulbənin nomış bıə Xanım be ki Həzrəte Fatimə Zəhra(s) bəfotiku bəpeştə bə Həzrəte Əli(ə) jenı-şuyəti iftixor noil bıə.
Aşura əzəmətinə rujədə Həzrəte Əbulfəzl(ə) ıştə eşğ və irodəti bəştə zəmonə İmomi subutış karde ijən de mislış nıbıə fədokorətion nışo doe ijən dıştə şəhodəti, çı bəfodorəti sahədə bo mısılmononro əbədi iyən yolə erjinə olqoş bə vucudış varde.
Ə Həzrət muxtəlif canqonədə dınyo şiəyon i minnə İmomi kənoədə be iyən deştə qiramiyə dədə de kufr iyən nifağ mubarizə bardedəş be ijən peşo İmom Ali şəhodəti bəpeştə islamiyə umməti rəhbərəti karde sahədə çı İmom Həsən(ə) iyən İmom Huseyn(ə) yar-yavər be.
İroni təğvimədə Həzrəte Əbbas(ə)-i mevludə ruj canbazon ya xot veteranon ruj ğeyd bıə.
Tolışi Rədio tərəfiku eşğ və fədokorəti boydəği rostəkə, Həzrəte Əbulfəzl(ə) mevlud ruji bə həmmə mısılmonon və həmmə ozodpərvəron təbrik ərz kardedəmon.
