İron və Ğətəri investisiya və ticorəti yolə iclos
İroni ticori bə inkişof rəsə təşkiloti Asiya ğərbi təşkiloti mudir İron və Ğətəri investisiya və ticorəti yolə iclosi bərpo beyku xəbəş do.
Milodi 2023 minnə sori martə manqi 6 iyən 7 minnə rujonədə Tehronədə İron və Ğətəri investisiya və ticorəti iclos bərpo bəbe.
İroni ticorəti bə inkişof rəsə təşkiloti afrikə iyən ərəbi mudir Fərzad Piltən votışe: İron və Ğətəri investisiya və ticorəti yolə iclos de Ğətəri 20 qılə holdinq və investisiya iyən ticori yolə şirkət və həmçınin İroni 200 qıləku vey şirkəton bərpo bəbe.
Bə İroni ticorəti bə inkişof rəsə təşkiloti raporti əsos, Piltən əlovəş karde: ım iclosədə əlovə bə Ğətər sənaye və ticorəti vəziri muavin və İroni Səmt vəzir və İroni ticorəti bə inkişof rəsə təşkiloti rəyis, ticori koonədə İroni səmti vəziri canışin və İroni ticorəti palata caneşin iyən Ğətəri ticori palata sərkatib iyən 2 qılə kişvəri iğtisodi və ticori bəzi co qılə rəsmi şəxson həm iştirokışon bəbe.
İroni ticori bə inkişof rəsə təşkiloti Afrikə və Ərəbi təşkiloti mudir həmçınin votışe: əlovə bə 2 qılə kişvəri investisiya və ticori həmkoətion inkişof doey fırsəton zıney, ğəror heste k ım iclosədəi həmkoətion bə ikişof rosniye hələkəroon barədə 2 qılə kişvəron xususi şirkəton nımoyəndəon de yande muzakirə bəkan.
