Səudiyyə Ərəbıstonı muzdoron cinayəton vədə yəmənıjə mubarizə əkon cəvob.
Yəmənı silahlinə ğıvvon iyən çı məmləkəti mubarizə əkon yəmənı mərkəz Mareb ostanədə bə yəmənı kəno mandə bıə prezidenti vabəstə bə muzdoron çanqiku tojə məntəğonışon ozod karde.
Bə telerədyo aqentəti xəbon əsosi yəmənı silahlinə ğıvvon və çı məmləkəti milliyə mubarizə əkon zinə Mareb ostani ğərb Sərvah şəhri Ale Salim və Əlğazi məntəğon yəmənı bə kəno mandə bıə prezidenti vabəstə bıə uzvon çanqiku ozod kardedən.
yəmənı silahlinə mənbəonku qıleni işarəş karde Səudiyyə Ərəbıstonı təcavuzkarə hərbion 2 qılə maşin yəmənı cənub ğərb Təez ostani ğərbiyə sahil Əlmuxa şimal hissədə arəku şedə.
həmçinin Amerkə silahlinə ğıvvon mərkəziyə qrupi fərmondə qeneral mayor Cozef Votel elanış kardə yəmənədə bıə Əlğaidə qrupi mərkəzon Amerkə tojə təşkil doə hucumonədə 12 nəfər ğeyre hərbi kıştə bedən.
bə yəmənı zid Amerkə həvoiyə hucumonədə yəmənı milliyə nicat devləti ciddiyə reaksiyaədə dim bə dim bə.
ım hucumonədə xəyli yəmənıjə jen və hırdən kıştə bən.
