Əmirəbdullahiyan: sionist rejimi vədə Livani muğavimətiku himoyə kardedəmon
İroni xarıci vəzir votışe: İron İslom Respublika, sionist rejimi vədə Livani muğavimətiku himoyə kardedə.
Cımə rujədə və bə Livani paytəxt, Beyroti səfə cərəyonədə Əmirəbdullahiyan Livani cənub və Livan və Fələstini mıştərəkə marzədə iştirokış peydo kardəş.
İroni xarıci vəzir Maronolrəesi məntəğədə zeytonə do kaştemoni bəpeşt, ım məntəğədə Şəhid Ğasım Suleymani xotirə qıromi zınəş və ım məntəğədə zuhr iyən əsri nımoji handəş.
Bə İrna raporti əsos, Fələstin və Livani marzi sıfə noğtədə yəni Maronolrəesi məntəğədə, xəbəiyə iclosədə, İroni xarıci vəzir, Huseyn Əmirəbdullahiyan muğaviməti cəhbə və məntəğədə məsələon barədə İroni nəzəon bəyonış kardə.
İroni xarıci vəzir həmçınin Şəhid Hac Ğasım Suleymani və Şəhid Əbo Məhdi Əlmuhəndes və co qılə muğaviməti şəhidon yod iyən xotirə qıromi zınəş və votışe: co kərə Maronolrəesi məntəğədə sionist rejimi vədə Fələstini muğavimətiku İroni himoyəon de barzə sədo elan kardedəmon.
Əmirəbdullahiyan ijən de Seyd Həsən Nəsrullah ıştə vindemoni işorə və əlovş kardə: ımruj Fləstin və Livani muğavimət ıştən vey çok və zumandə vəziyət və co tərəfi həm sionist rejim ıştə vey bevəcə vəziyətədə ğəror qətəşone. və de ictimai, əmniyyəti və siyasi çand curnə daxıli bıhranon dim bə dimin.
İroni xarıci vəzir ijən votışe: Livani muğavimət subitış kardə ki sioniston fəğət ğudrti zıvoni fahmedən və muğavimət vey muhimmə roye ki oroməti əmniyyət və təmamiyyəti oqətey çəy qiədəy.
İroni xarıci vəzir ijən işorəş kardə: telavivi hərəkəton bə sionist rejimi izolasiya bey bois bəbe iyən votışe: İroni siyasi hələkə roy, həmmə Fələstinıjon miyono demokratik referandomi bərpo kardeye. əcumlə, məsihi, Yəhudi və mısılmonon miyono.
İroni xarıci vəzir ijən təkidış kardə: İron İslom Respublika məntəğəro, ğərəz rifoh, xəy iyən əmniyyət pidəş ni.
