Pars Today

Pars Todey - bə təhğiğon əsos, BBC bə Hizbullah kamə hucumon diğğət doeyədə, Livan və Ğəzzədə israyili veyə cinoyətonku umumi fikon əvəz kardey hiylədəy.

Ğərbi məşhurə medyaon Asiyə Ğərb hodisəon dimbədim bıeyədə nışonışon doə ki, israyili psixoloji canqi xıdmətdə de qıləy kəşi nomi əməl kardə.

In medya de kəliməon,  xəbəriyə çərçivəon vıjniye və hodisəon nışon doey, nəyinki, həyğəti təhrif kardə, bəlkəm nəzminə surətədə israyili cinoyəton ğanuni bıeyo vavonə vardə.

Pars Tudeyku ın nıvştədə, Livani Hizbullah istemori zidd Mığovimət və israyili rejimi vədə bə BBC  rəftori piyo diğğət doey əncom bəy:

1-Raportonədə kəliməon və zıvonon silohin kardey

BBC və sayir medyaon de kəliməoni bənə (nıtars), (zumand) və (hədəfon), cəhd kardən ta İsraili tacavuzon mahiyyəti pok bıkə və əy de mısbət və betərəfə şikilədə cılvə bıdə.

Məsələn, BBC raportonədə, bə Livan israyili cinoyətkorə hucumon (canqi kam kardeyo zumandəti) nomo vəsf bedə və ya voteydə (bo əmniyəti oqırdıney zəruriyə zumandəti), qıləy holədə ki, ın iborət cəhd kardə Livani infrastrukturi xərob kardey və beqınoə odəmon ğətlı-am kardey ağlinə hərəkət cılvə bıdo.BBC qıləy raportonədə, israyili rejimi hucumon (mırəkəb və nıtarsə qıləy əməliyyot) vəsf bəy ki, de ın zıvoni israyili cinoyəton təhsin karde və eyni holədə çəy şiddəti hifz kardey barədə bəhs bəy.

2-israyili təcavuzon ğanuni kardey və ıştəku mıdofiyə həxi nosəhihə surətədə nışon doey

Ğərbi veyə medyaon israyili mıdofiyə həxi iddiyon dıjdə surətədə və de be şərti rəsmi zıneydən, qıləy holədə ki, ın həxi bo Hizbullah vində nin. Məsələn, BBC dəvominə surətədə Hizbullah kam və təsirış nıbə hucumon əsliyə təhdid nomo cılvə doydə, qıləy holədə ki, 9600 marziyə hucumiku, 7845 qılə hucum de israyili vositə əncom bəy. BBC israyili hucumon de ğanuniyə mıdofiyə vəsfış kardə və Livani Şəhidon və kıştə bıəkəson vey bıey bəyon kardə ni.

3-İsrayili təbliğoti tənğid kardey pevlo kardey

BBC tanğid ğeyri tənğidiyə şikilədə israyili pesoxtə və təbliğotiyə vidyon ki, Livani milləti kəonədə Hizbullah rəketon nışon doydə, pevolo kardə.

In vidyon, Ğəzzədə rəketon niyon kardey barədə israyili dəvardə rujon bənə təbliğote, əsosış ni və bo Livanıjə beqınoə odəmon ğətlı-am kardeyo və etnik qrupon pok kardeyo qıləy vavonəye. İn vidyon qıleyniədə ki, BBC vey pevloş karde, iddiyo bedə ki, Hizbullah rəketon kəon otoğonədə niyon bən, ki səhih ni və de kampiyuteri surətədə soxtə bəy.

4-İsrayili cinoyəton qədə kardey və Hizbullah rəketi təhdidon yol kardey

BBC raportonədə Hizbullah kamə hucumon şiddətinə surətədə yol nışon doə bedə, qıləy holədə ki bə Livan israyili dıjd və xərobəəkə hucumon boyyis be ki, 1 rujədə çandə sa nəfəriku vey be qınoə milləti avarə və çandə da həzo nəfər co kəson  avarə bıbon, de (mıdofiyə və qədə) hərəkət nomi elon bedən.

5-Hizbullah hucumon həyğəti dəlilon niyon karde

 BBC komilə surətədə bo ıştə hucumon Hizbullah həyğiyə dəlilon vində ni.

Hizbullah çandə kərə elonış kardə ki, rəket hucumonku hədəf, bə Ğəzzə işğal kardey oxo doey və nəzorət kardə təzyiği royku Fələstinıjon ğətlı-am kardey navi qəteye. əmmo BBC bə ın insoniyə mətləbon əhəmmiyət doydə ni və Hizbullah de (terroristiyə) ğıvvon nomi elon kardə. BBC co qılə raportədə, qıləy israylıji nəğliku, Hizbullah (zoti surətədə yəhudi bıey) mıttəhəm kardə iyə Hizbullah hərəkəton həğiğiyə dəlilon bəyon kardə ni.

6-(hədəfon) barədə israyili rəvoyəti de nıbə şərti ğəbul kardey

BBC ğeyri tənğidiyə surətədə israyili rejimi iddiyon ın barədə ki, çəy bombardımoni həmmə hədəfon, hərbi və Hizbullah ne, nışon doydə. In qıləy holədəy ki, xəyli kıştə bıə kəson və yarəjə bıə kəsonku, hırdanon və jenonin. Məsələn BBC qıləy raportdə israyili rejimi qıləy hərbiyə ğıvvon nəğliku oməy ki (Hizbullah 2000 qıləsə vey hədəf ) bombardımon bəy, qıləy holədə ki, ın iddiyo dırıst bıeyo heç qıləy təhğiğ əncom bəni və beqınoə kıştə bıə kəson statistika vində bedə ni.

7-De israyili vositə Beynəl-Xəlğə ğanunun təkrorinə surətədə rioyət nıkardey niyon kardey

Xəyli Beynəl-Xəlğ mərkəzon Fələstini işğal bıeyşon ğeyri ğanuni və bə bəşəriyəti ələyh cinoyət elonışon kardə, bın vujud, BBC heç vaxt bə ın cinoyəton işorə kardə ni və bə israyili rəsmiyə rəvoyəton bə ıştə diğğəti ğəror doydə. Həminə cəhətdə, Beynəl-Xəlğə ğanuni rioyət nıkardey bənə rabitə bərğəror kardə sistemonədə bomba noey və de israyili vositə ğədəğən bıə silohonku istifodə kardey komilə surətədə vində bedə ni.

8-Umumiyə fikon diğğəti əvəz kardeyo rol ifo kardey

İyən BBC bə Hizbullah hucumon diğğət doey, Livan və Ğəzzədə israyili cinoyətonku umumiyə fikon əvəz kardey holədəy. In əvəz kardeon bə israyil icozə doydə ta ıştə hərəkəton de Beynəl-Xəlğə reaksiya nıbe dəvom doydə.

9-Livani Mığoviməti bevəc nışon doey və israyili tacavuzon normal nışon doey

BBC de israylili tacavuzon normal nışon doey və əy de ın kişvəri (təbiyiyə həxi) nomi nışon doey, Livani Mığoviməti de mənfi və təhdidinə şikkilədə elon kardə. Nosəhih nıbə nışon doeyon israyili istemoriyə hədəfon və Beynəl-Xəlğ həxi rioyət nıkardey ğanuni kardə.

Nəticə inki, ğərbiyə əsliyə medyaon məxsusən BBC de sistematikə koon, həyğəti israyili siyosiyə foydəon xıdmətdə təhrif kardə. In medyaon de ğərəzinə zıvoni vıjniye, səhih nıbə təbliğoti və noğis pevolo kardey israyili cinoyəton niyon kardən və çəy təcavuzon ğanuni kardən.