Suriyə maliyyə vəzir xəbəş do: Suriyə bə BRİKS iyən Şanxay təşkiloton uzv bey hədəfış heste.

Briksi qrup 5 qılə yolə iğtisod yəni Breziliya, Hindoston, Çin və Cənubi Afrika kişvəronku şomile. Im qrup 10 soriku vey bəbe ki icod bıə və muxtəlifə baxşonədə bənə iğtisod, ticorət, siyasət, əmniyyət, texnoloqiya və həmçınin milləti və mədəni mıbudiləonədə bə çokə nəticəon və muvəffəğiyəton dast peydoş kardə.

Şanxay həmkoəti təşkilot qıləy beynəlxalğə təşkilote ki Milodi 2001 minnə sori İyunə manqədə Çin şanxayədə Ğəzaxıston, Çin, Ğırğizıston, Rusiyə, Tacikiston və Uzbəkiston səmtiku icod bıə.

Bə Spotnik aqentiyəti raporti əsos, Suriyə maliyyə vəzir, Kənan Yaği zinə Pencşəmbə votışe: ım kişvər ıştə həmmə cəhdon əncom dodə ki BRİKS iyən Şanxay təşkilotoədə uzv bıbu.

Yaği ijən təkidış kardə: Dəməşğ pidəşe bə BRİKs iyən Şanxay təşkiloton uzv beyro ıştə tələbon bəyon ko.

Tojədən Əlcəzayer prezdent həm bə BRİKS təşkiloti uzv beyro ıştə tələbi bəyonış kardə və votəş be: ım hərəkət Əlcəzayer iğtisodiro vey hevujə foydon soybe.