Livan sionist rejimiku bə Əmniyyət Şura şikoyət kardedə
Livani devlət elanış kardə: Əlğəcər diədə sionist rejimi işğolçiyətiku bə İ Bıə Milləton Təşkilot iyən ım təşkiloti əmniyyət şura şikoyət kardedə.
Sionist rejimi hərbiçion ıştə oxonə təhdidinə hərəkəton Əğəcər marzi di şimolədə əncom doşone. Im di bə Livani sərzəmin məxsuse və İ Bıə Milləton Təşkilot həm ım di bənə Livani sərzəmini zıneydə.
Im işğolçiyə hərəkəton Əlğəcər di komil ətrofədə qıləy betoni divo icod kardey şomile.
Bə ımruji Ələhd sayti raporti əsos, sionist rejimi ım hərəkəti dumoədə, Livani xarıci vəzorətxonə İ Bıə Təşkilotədə ım kişvəri diplomatiya heyətiku tələbış kardə ta ım cinoyəti barədə bə İ Bıə Milləton Təşkiloti sərkatib iyən Əmniyyət şura şikoyət ko.
Livani xarıci vəzorətxonə həmçınin de sionist rejimi vositə, bə Livani hakımiyət iyən 1701 ğətnomə çand kərə darşiye işorəş kardə və de sionist rejimi vositə ım kişvəri hakımiyəti darşiye məhkum iyən vey rə Livani işğol bıə həmmə ərazi xarıc bey tələbış kardə.
