Suriyə nəğliyoti vəzir iyən Dəməşğədə İron İslom Respublika səfir, nəğliyot baxşədə həmkoətion hevujəti roon təğib kardışone.

Bə İrna raporti əsos ki Suriyə rəsmi aqentiyəti(Sana)ku nəğlış kardə, ım iclosədə Zoheyr Xəzim iyən Huseyn Əkbəri 2 qılə kişvəri miyono imzo bıə sazışonro bə icro bıə bərnoməon əhəmiyyət və nəğliyot baxşonədə bə oxonə sazışon təğib kardey təkid kardışone.

Im iclosədə ki Suriyə nəğliyoti vəzorətxonədə bərpo bıə, zəmin, dıyo iyən reylz və həvioyə nəğliyoti baxşonədə iyən nəğliyoti stratejikə planədə Suriyə coqrafiya şəroyetiku istifodə kardey xususi bə əmtəə və mısofiron hərəkəti hoston kardey iyən ticori, iğtisodi iyən turizm mıbudilə zumand kardey xoto, İron, İrağ və Suriyə bə yande dəçokney barədə təkid bıə.