İroni kişvəri vəzir: İron və İraği Ərbəyine Huseyn(ə)-i bərnoməon vey çok əncom bıə holədəy
İroni kişvəri vəzir Ərbəyine Huseyn(ə)-i mərosimi çand milyoniyə zayiron mizbonətiro İraği millət iyən devləti hərəkəton iyən koonku ğədrdonətiş kardə iyən votışe:
Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.
Bə İsna aqentiyəti raporti əsos, tojədən İRoni kişvəri vəzir Əhməd Vəhidi de İraği kişvəri vəzir Əbdul Əmir Kamel Əlşemri vindemonədə Ərbəyine Huseyn(ə)-i mərosimədə 2 qılə vəzorətxonə həmmə tərəfi iyən səmimonə həmkoətion 2 qılə kişvri miyono muvəffəğə nımunə zınəşe.
İroni kişvəri vəzir vəoməy rujonədə bə Kərbəlo səmt, İroni zayiron 2minnə mərhələ səfəon işorəş kardə iyən votışe: tosə ısət təğribən 2 milyon zayir bə İrağ varid bıən və mumkine ki ım miğdor bə 4 milyon marz həm bərəse.
İraği kişvəri vəzir həm təkidış kardə ki bə İmom Huseyn(ə)-i zayiron xususi İronıjə zayiron xıdmət rosniyero ıştə həmmə imkanatonku istifodə kardımone, əv ijən votışe: həmmə baxşonədə zzərfiyəton və çokə zəminəon icod bıə.
İraği kişvər ijən əlovəş kardə İron və İraği rəsmi şəxson miyono vey çokə hərəkəton və həmkoətion əncom bıə ta ımsor Ərbəyine Huseyn(ə)-i mərosim vey çok bərpo bıbu.
