Əmirəbdullahiyan de Seyd Həsən Nəsrullah vindemonış kardə
İroni xarıci vəzir ki bə Beyrut səfərış kardə be, de Livani Hizbullah sərkatib vindemon iyən votımonış kardə.
İroni xarıci vəzir Huseyn Əmirəbdullahiyan ki bə məntəğə ıştə 2minnə məğsədədə iyən bə Bəğdadi səfəri bəpeşt və de İraği rəsmi şəxson məşvərət kardey bəpeşt, de ali heyəti bə ico bə Beyrut səfərış kardə.
Bə İrna raporti sos, Zinə sıb, İroni xarıci vəzir Huseyn Əmirəbdullahiyan de Livani Hizbullah Seyd Hsən Nəsrullah vindemon və votımonış kardə.
İroni xarıci vəzir bə Beyrut ıştə varid bey zəmonədə və jurnaliston cəmədə Fələstini təhəvulaton və sionist rejimi cioyəton barədə votışe: ım canqi cinoyəti dəvom doey, co qılə mehvəronədə de aksiyaoni dim bə dim bəbe ki sionist rejim və çəy himoyə kardə kəson çəy məsul bəben.
Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.
Bə Ğəzzə tanqə de Ğudsi işğolçiyə rejimi həmləon dəvomi həmzəman, Fələstini səhiyyə vəzorətxonə elanış kardə ki bə sionist rejimi həmləon xoto, 1500 nəfəriku vey şəhid və 7200 nəfəriku vey həm zəxmin bıən.
