Pars Today

İslamiyə məzhəbon miyono təğrib beynəl xalğiyə icmo rəis votışe: bə Bəhreyni məşhurə Ruhani əleyh çın kişvəri Ali Xəlifə rejimi ğeyri insoniyə hərəkəton Bəhreyni hukuməti məhv və nabud bey sorəti ziyod karde boiys bəbe.

Bə irna raporti əsos İslamiyə məzhəbon miyono təğrib beynəl xalğiyə icmo rəis Ayətullah Mohsen Əraki Kərbəloədə bıə mısılmonə jınon beynəl xalğiyə i bemoni təsis karde iclosədə jurnaliston cəmədə votışe: çandə bə Şeyx İsa Ğasımi əleyh təziğ və fişaron ziyod bıbu çəy zərər və ziyan bə Ali Xəlifə rejim bərəse.

Ayətullah Əraki bə islamiyə məzhəbon miyono təğrib beynəl xalğiyə icma oşkorə vindemon Ali Xəlifə rejimi cinoyəton barədə ijən Bəhreynədə bıə şəhrvandon və şiə ruhanion həx və huğuği ləğv karde hadisəon işorəş kardə və təkidış kardə: Bəhreyni rejim bəpe dırıst və ğanuni sorətdə de Bəhreyni millət rəftor bıkə.

İslamiyə məzhəbon miyono təğrib beynəl xalğiyə icmo rəis ijən votışe: Şeyx İsa Ğasem qıləy yolə alim, simvol və dini lider heste və əqə Bəhreyni rejim pidəş bıbu bəy be ehtıroməti bıkə dınyo həmmə milləton ım dini yolə lideri peştədə bəmandən.

Bəhreynədə ijən çəy bəpeştə ki Ali Xəlifə rejimi tərəfiku çı Şeyx İsa Ğasımi şəhrvandəti həx ləğv bıə be tojə mərhələ daxil be.

Bəhryni milləti ğiyam ijən sulhinə etırazon miladi 2011 minə soriku ijən bə Ali Xəlifə rejimi əleyh bino bıə.