Ğərbi sahilədə bə Fələstini ələyh, sionist rejimi həmləon dəvom
Sionist rejimi hərbiçion ğərbi sahilədə bə Tulkərəm məntəğə həmlə kardışone.
Bə İrna raporti əsos, ki Şəhab aqentiyətiku nəğlış kardə, sionist rejimi hərbiçion bə ğərbi sahili Tulkərəmi məntəğə, ıştə həmləon dəvom dodən.
Fələstini mənbəon ijən elan kardışone ki sionist rejimi hərbiçion ım şəhri strukturon xərob kardey holədən.
Həmçınin sionist rejimi hərbiçion bə kali kəon həm həmlə kardışone.
Im şəhrədə vey tepımon iyən dave sədo pevelo bıdə.
Fələstini mənbəon 5 saət daveon bəpeşt, bə Tulkərəmi səmt, tojə hərbi təchizaton vığandeyku xəbəşon do.
Çımiku bənav həm Ramullah ğərbədə, Beytoniya qədə şəhrədə və ti ğandey dumoədə, sionist rejimi hərbiçion qıləy Fələstini cıvoni şəhid və 4 nəfər həm zəxmin kardışone.
Bə həminə raporti əsos, sionist rejimi hərbiçion bə Tulkərəm şəhr və ım şəhri orduqoh həm həmlə kardışone iyən de Fələstinıjon dave kardışone.
Ələğsa Tufani əməliyoti bino bey zəmoniku tosə ısət, ğərbi sahilədə 240 nəfər Fələstinıjon de sionist rejimi hərbiçion qullə ğandey vositə şəhid bin.
