Bə sionist rejimi hərbi baza, Livani Hizbullah rəket həmləon
Zinə şəv xəbəiyə mənbəon raport doşone ki Livani Hizbullah, de rəket vositə, bə sionist rejimi hərbiçion baza həmlə kardışone.
Bə İran Peres aqentiyəti raporti əsos, Livani Hizbullah elanış kardə ki deştə idorə bıə rəketon vositə, Əl-Mutlə qədə şəhrədə bə sionist rejimi hərbiçion baza həmlə əncom bıə ki ım həmlə cərəyonədə vey sionist rejimi hərbiçion kıştə iyən zəxmin bıən.
Həminə cəhətədə, sionist rejimi mediyaon həm raport doşone ki bə Əl-Mutlə məntəğə 3 qılə idorə bıə anti zırıhinə rəket vığandəşone ki qıləy kə vəş qətey bois bıə.
Çımiku bənav həm Livani Hizbullah de qıləy kırtə bəyoniyə muntəşir kardey elanış kardə be ki çəy hərbiçion de artileriya otəşi vositə, bə Branit nomo hərbi baza həmlə kardışone kə ım həmlə cərəyonədə sərost surətədə veyə işğolçiyə hərbiçion kıştə bıən.
Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.
