Yəməni xarıci koon vəzir: Şəhid Suleymoni muğaviməti mehvərış əbədi kardə
Yəməni milli nicoti devləti xarıci vəzir votışe: Şəhid Suleymani məktəb bənə məktəb, məntəğədə islomi muğaviməti qrupon zumandış kardə.
Bə qeneral Hac Ğasım Suleymani şəhoəti 4minnə sorəqardışi mınosibəti xoto, Yəməni milli nicoti devləti xarıci vəzir Heşam Şərəf Əbdullah de Sənaədə İran Peres jurnalisti ixtisosiyə votımonədə, muğaviməti zumandəti və hevujətiədə ım şəhidə komandirə roli barədə təsdiğış kardə: məntəğədə muğaviməti roy binoəkə, şəhid qeneral Suleymani be.
Yəməni milli nicoti devləti xarıci vəzir təkidış kadə: muğaviməti qrupon de jıqo zumandə baza və məktəbi vositə, işğoliyə Fələstinədə Ələğsa Tufan əməliyot və sıə dıyoədə hərbi əməliyoti vey barzə səthədə bə nımoyeş doşone.
Şərəf Əbdullah ijən əlovəş kardə: islom dınyo səthədə islomi inğilobi mədəniyəti hevujəti və bo inğilobi ğıvvon təlimi Şıhid Suleymani cəhdon, karde bəzne təhəvvulaton əvəzəkə bıbu və ım məsələ, muğaviməti mehvəri zumandətiədə nışo doə bıə.
Yəməni milli nicoti devləti xarıci vəzir ijən əlovəş kardə: Suriyə, İrağ və co kişvəronədə Şəhid Suleymani iştirok, bə muğaviməti mehvər və çəvon Rəhbəron zumandəti və ciqəmandəti ədi ta təcrubə və məlumat kəsb bıkon.
Şərəf Əbdullah ijən əlovəş kardə: ha kəs, Şəhid Suleymani məktəb və çəy fik və əndişəon mıtoliə bıkon, dərəse bəbe ki ım şəhidə komandiri roy de terror məhv nibəbe.
Yəməni milli nicoti devləti xarıci vəzir ijən əlovəş kardə: Şəhid Suleymani karde zınəşe de muğaviməti mədəni, tədbiri mədəni və xarizmatik hərəkəton, əbədi hərəkəton əncom bıdə.
Miladi 2020 minnə sori, Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani qıləy holədə ki İraği rəsmi şəxson dəvəti bə ım məmləkət səfərış kardə be, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi şəhid be.ım hodisədə İraği milləti bəsici (Həşdu-Şəbi) nakonə komandir Əbo Məhdi Əlmuhəndes iyən 8 nəfər ım 2 qılə komandiri bə ico bıə kəson həm şəhid bıən.
