Bəğdad pidəş ni İrağədə Amerkə hərbi bazaon ujnən bino bıbun.
Mar 29, 2017 18:31 Asia/Tehran
İraği xarıci vəzir təkidış kardə: İraği dıvlət İrağədə Amerkə hərbion huzuri pidəş ni.
İraği xarıci vəzir Ebrahim Əlcəfəri bə Əlşərğ Əlosət rujnomə votışe: Bəğdad fəğət təvafuğış karde ki Amerkə hərbi mıstəşaron İrağədə fəaliyət bıkən və bə mıştərəkə stratejikə həmkarion əsos bə hərbion təlim bıdən.
Çımiku bə nav həm İraği i minə vəzir Heydər Əlebadi bə Daeşi məhv və nabud bey faxti rəse işorəş karde və votəş be: ısət bəpe Amerkə hərbiyə ğıvvon miğdor həm İrağədə kam bıbu.
Amerkə 2011 minə sorədə ıştə hərbionış İrağiku xaric kardə əmmo ujnən 2014 minə soriku de Daeşi bino bey həmzəman 5 həzo hərbionış ujnən bə İrağ vardə.
İraği xarıci vəzir həmçınin de votımoni vasitə bə İron və Ərəbə kişvəron miyono bohranon həl karde omidvar mandə.