Pars Today

Məntəğədə canq tələbion hevuj karde çərçivədə ijən de siyonist rejimi i minə vəziri huzuri, Fələstin işğal bıə sərzəminədə Amerkə və siyonist rejimi mıştərəkə rəkıtiyə canqiyə sistem bino bıə.

Bə İrib raporti əsos siyonist rejimi i minə vəzir Benyamin Netanyahu Deyvidz Eslinq nomo bıə rəkıtiyə sistemi bino karde zəmonədə votışe: har kəs pidəş bıbu bə siyonist rejim hucum bıkə yəğin de çəmə rəkıton dim bə dim bəbe.

Netanyahu ki Livani Hizbullah qrupi vədə çand kərə məğlub bey xoto vey be abro həyo bıə ısət etırofış kardə ki: bə Amerkə və siyonizm rejimi əleyh çandə mıştərəkə təhdidon hestin.

Əv həmçınin iddiyaş kardə ki ım sistem bə çəy xoto soxtə bəy ta Livani Hizbullah qrupi vədə muğabilə bıkə.

Ğeyd bıkəmon ki ım rəkıtiyə sistem həmonə çand baxşiyə mudafiə əkə sistemon sahədə soxtə bəy ki çəy hədəf balıstik rəkıton hədəf ğəror doe ijən osonə qumbəti plani komil əkəy.

Siyonist rejim ijən pidəşe de həminə sistemi məvuji Ğəzzəku həm miyonə məsofətədə hədəf ğəror bıdə mığovimət cəhbə vədə həm muğabilə bıkə.

Im siyasət və tojə sistemonku fəaliyəton qıləy holədəy ki ım rejim siyasi cəhətiku həm məntəğədə həmçınan bəştə məğlubiyəton dəvom dodə və dəvardə əsronədə bıə ıştə hərbi canqonədə bohranon həl karde əzı ni.