İslomi İnğılobi Rəhbər:Dınyo bə Fələstini dastəq çe İslomi İnğılobi ruhiku omeydə.
İslomi İnğılobi Rəhbər:Dınyo bə Fələstini dastəq çe İslomi İnğılobi ruhiku omeydə.
İslomi İnğılobi Rəhbər:Dınyo bə Fələstini dastəq çe İslomi İnğılobi ruhiku omeydə.
İslomi İnğılobi Yolə Rəhbər bın rujonədə dınyodə bə Fələstini xeyri bə həyot dəvordınə bıə hərəkoton çe İslomi İnğılobi ruhi nəticəş hisob karde.bə Ali Rəhbəri Aparati informasiyə baza əsosən,İslomi İnğılobi Ali Rəhbəri 1403-ə ordibeheşti 26-ədə bərpo bıə Tehroni əyoləti Şəhidon Konqresi iştirokçiyon didoədə bəyonoton,ın cımə şəvi İmom Xomeyni(r) hərəmədə ın konqresi dəvordınə vırədə dərc be.Həzrət Ayətullah Xameneyi bın vindemonədə mığəddəsə mıdofiyə devrədə çe mıcohidon xeyr-bərəkətonku sərhədon daxil və xaricədə mandey iyən mığoviməti mesaji rosneyeş hisob karde və voteşe:veyə eksperton oşkoə şikilədə bəyon kardedən ki,ımruj dınyoədə bə jimon dəvordınə bıə hərəkoton ki,bə Fələstini xeyriye,ımon çe İslomi İnğılobi ruhiku bənav omeydə.
İslomi İnğılobi Ali Məğaminə Rəhbəri əlovəş kardə:ımruj dınyo har vırədə bə Fələstini dastəkiro çəmə şoyd bıə şuoron və mevğeyon çe İmom Xomeyni(r) mevğeyon iyən çe İroni xalği ğəlb iyən zıvoniku cari bıə,beşə və pevolo bıə şuoronin.
Həzrət Ayətullah Xameneyi amerkəvıjə alimon bə Fələstini xalği dastəki hərəkoti işorə kardə holədə,ımış çe İroni milləti hərəkoti bərəkət və mıosirə torıxədə mislış nıbə qıləy hodisə və buzurquvorə İmomi(r) qamə nəfəsi nımunəş hisob və ğeydış karde:amerkəvıjə akademikon Fələstini himoyə kardey cərəyoni hevujəti bə həddi rəsə ki,Amerkə hukumət ıştə qırd iddiyo iyən və şuoron darıştedə,çın kişfəri polis həm çe mərdumi çəşi iyən çe kamerəon vədə bə tələbə iyən professoron ləğe ğandedə və çəvon dasti dəvastedə.Ə həzrəti təkiışon karde:çəvon İronədə kardey piyə çiyon ısət bəçəvon ıştən sə omə.
İslomi İnğılobi Ali Məğaminə Rəhbəri həmçinin bəyonışon kardeki,oxonə soronədə məmləkəti cıvonon bə İŞİD və ya bə seonist rejimi ələyh meydononədə iştirok kardey ruhiyyə və motivasiyə,de mığəddəsə mıdofiyə devri eyni ruhi əloğədore və voteşone:Hodisəonədə və dəvardə soron fıtnəonədə,ə cumlə Tehronədə həşi 1388-ə sori fıtnə,nə İmom və nə həm mığəddəsə mıdofiyə devroni nıvində cıvonon de həmonə devroni motivasiya və ruhiyyə bə meydonon daxil bin və çe dışmeni bo kişfər iyən milləti problem icod kardey plani navışon qəte.
