sehyonsit rejimi cinoyətonədə qıləy siyuə vərəğ
sehyonsit rejimi cinoyətonədə qıləy siyuə vərəğ
sehyonsit rejimi bo İsmoyl Həniyyə terror kardero bıə səyon,çandə soron bənav və çe 2003-ə soriku bino bıə be.joqo ki,2003-ə sori dekabrə manqədə Həniyyə iyən Əhməd Yasin(Həmasi təsisəkə) bə Ğəzzə tanqə jimoni məkoni iqlə aviasyə həmlədə ki,de sehyonsit rejimi təvəssıti əncom doey be,cuzi şikilədə zəxmin bıəbin.2014-ə sori iyulə manqi həm de sehyonsit rejimi təvəssıti bə Ğəzzə şəhri qıləy hucumi cərəyonədə,çe sehyonsit rejimi aviasiya ğıvvon çəy kəşon bombaron kardeşe.əmmo İsmoyl Həniyyə həmonə zəmonədə əyo nıbe və qıləy ziyonış nıvinde.İsmoyl Həniyyə çe mığoviməti məhvəri mahbubə rəhbəronku be ki,Ələğso Tufoni əməliyyoti bədiqə dınyo səviyyədə bə qıləy məşhurə şəxsi təbdil be iyən sehyonsit rejimi həm əvış çe terrori listədə ğərolış doə be.
Mınosibe bızınəmon ki, Həniyyə çe Ələğso Tufoni əməliyyoti sıftənə rujiku de mığoviməti ğıvvon har tərəfinə himoyə koy məşğul be və de siyosi ofisi co uzvon çe haft oktyabr iyən bə Ğəzzə tanqə təcavuzi bədiqə,de mığoviməti mıxtəlifə kişfəronədə bıə yolon iyən məğamon çandə qılə icloson və mızokirəon bərpo kardey,bo Fələstıni mığoviməti ğıvvon himoyə kardey,bo Ğəzzə tanqə mıhosirə bərtərəf kardero iyən bə Ğəzzə tanqə mərdumi mıxtəlifə koməqon rosnero,ziyodə cəhdonış karde.
sehyonsit rejim de tobə ısət çe İsmoyl Həniyyə xıyzoniku 60 nəfərisə veyə şəxson bə şəhodəti məğami rəsən.milodi 2024-ə sori aprelə manqi çəy hovə ki,tel-şevaədə jimon kardedəbe,bə de Həmasi əloğədor de sehyonsit rejimi təvəssuti dastqir be. həmçinin çe sehyonsit rejimi bə Şati avarə və sərqərdonon orduqo bıə həvo həmləon dəvomədə çe Həniyyə se qılə fərzənd iyən se qılə nəvə bə şəhodəti məğami rəsin.İyunə manqi 25-ə ruji həm çe Həniyyə hovə bə sehyonsit rejimi vəhşiyonə formədə Şati orduqo bombardmon kardey xoto,şəhid be.İsmoyl Həniyyə həmçinin çəy fərzəndi şəhodəti bədiqə,de İroni həşi 1403-ə sori ordibeheşti 30-ədə bə helikopteri fociyə xoto bə şəhodəti məğami rəsə prezdent ayətullah seyd İbreym Rəyisi telefonə təmosədə votəşbe:
“israyili cinoyətkorə dışmen təsəvvır kardedə de mığoviməti rəhbəron fərzəndon hədəf ğərol doey,çəmə iyən çəmə milləti əzm iyən iroədədə qıləy xələl icod kardey bəzıneyn,qıləy holədə ki,çəmə ın xunon çe mığoviməti məsir iyən ro vey mehkəm və ğoym bəkarde”.
