Xarici Koon Vəziri vəzifə icroəkə:İron ıştə milli əmniyyəti çe təcavuzkoronku mıdofiyə kardero ciddiye.
Xarici Koon Vəziri vəzifə icroəkə:İron ıştə milli əmniyyəti çe təcavuzkoronku mıdofiyə kardero ciddiye.
Xarici Koon Vəziri vəzifə icroəkə:İron ıştə milli əmniyyəti çe təcavuzkoronku mıdofiyə kardero ciddiye.
İroni Xarici Koon Vəziri vəzifə icroəkə çe İron İslom Respublikə bə seonist rejimi zidd tədbir və bəy de ğətiyyəti cəzo doeyro bəştəməxsus və ğanuni huğuğonku istifodə kardeyış bəyon kardə.bə İRNA doə məlumoti əsos,İroni Xarici Koon Vəziri vəzifə icroəkə Əli Bağıri Kəni penc şambə ruji de Omani Xarici Koon Vəziri Seyd Bədr bin Həməd Əlbusəidi telefonə qəpədə çın kişfəri krali heyəti iyo bey barzış qəte və çı İroni nuyə prezdenti inuaqrasiyə mərosimədə bıə iştirokiku ğədrdonəti kardə holədə voteşe: seonist rejim çe Fələstini İslomi Mığoviməti (HƏMAS)-i siyosi buro mərhum rəhbər İsmoyl Həniyyə şəhodətədə qırd sıə xəttonku dəvardə holədə,ojə-oşkoə formədə terrorə təcavuzi bə jimon dəvordıneydə.sehyonist rejim çe İron İslom Respublikə ərazi təmomiyyət iyən milli əmniyyəti darıştə holədə,reqiyonalə sabitəti və əmniyyəti ciddiyə şikilədə təhdid kardedə.İroni Xarici Koon Vəziri vəzifə icroəkə çe İslomi Həmkoəti Təşkiloti uzv kişfəron xarici koon vəziron çe sehyonist rejimi ojə-oşkoə terrorə cinoyət və çe İron İslom Respublikə ərazi təmomiyyət və milli əmniyyəti darıştey anqıl,fevğəlodə iclos dəvordıneyış vanq jıə.Seyd Bədr ibn Həməd əl-Busəidi həm çe seonist rejimi HƏMAS-i hərəkoti siyosi buro rəhbər İsmoyl Həniyyə şəhodətədə bıə terror aktış və bə İron İslom Respublikə ərazi təmomiyyəti zidd aksiyaş məhkum karde.
