israyili canqtələbəti
israyili canqtələbəti
Bayden 2024-ə sori mayə manqədə çe kişfəron Amerkə hərbi koməqonku oko doey həxədə bıə Amerkə Konqresədə bıə ıştə hisobotədə jıqoş elon kardə:”de konkret subuton” tel-aviv çe amerkə silohonku beynəlxalğə ğanunon darışteyədə oko doey ayid qıləy sənəd bə dast oməni”.amerkə xarici koon vəzərotxonə bın hisobotədə ki,çandə mıddət be ki,çəy intizor şeydəbe,voteşe:jıqo ğıymət doey bəbe ki,de amerkə təvəssıti təmin bıə silohon de qıləy şikili oko doey bıə ki,de israyili təəhhud iyən ehdəmonon mıtənosibe.əmmo ın hisobot bo israyili cinoyətkorə əməlon qıləy bəhonə vardey cəhətədəy ki,votedə bo de Ğəzzədə həmasi məhf kardero canqədə ısət de qıləy problemi dimbədim omə.ın iddiyo qıləy holədə çəyku bəhs beydə ki,çandə kərə sehyonist rejimi mediyaəonədə və həmçinin amerkə iyən ğərbi kutəlivi informasiyəonədə,de Ğəzzə şəhri jimoni mənzilon iyən infrastrukturon məhf kardey hədəfi Ğəzzə canqədə istifodə kardə bıə və çe sehyonist rejimi canqi təyyorəonədə amerkə silohon və sursoton oney,yəni idorə bıə iyən bə sənqəri zidd bıə silohon ki,mıstəğim iyən sərostə formədə çe amerkəku bo sehyonist rejimi vığandey beydə,bə nımoyiş noey beydə.
Həmçinin amerkə daxiliədə hozzı kardə bıə kali hisobotonədə həm çın məsələ rostəti təkid kardedə.min cumlə qıləy mıstəğilə ko qrup ki,çe amerkə xarici koon vəzərotxonə sabiğ rəsmi şəxson iyən iyən beynəlxalğə eksperton elonışon kardə ki,Ğəzzə tanqə mərdum de amerkə siloh-sursoton təvəssıti bə şəhodəti məğami rəsən.bə çın ko qrupi votey əsos,bə 35 həzo nezi fələstınıji min cumlə 14 həzo hırdəni ıştə covışon çe dasto doə,bə yod dənoəşone.”çəvon veyni de amerkə siloh-sursoton təvəssıti kıştə bıən”.de sehyonist rejimi təvəssıti Ğəzzə şəhri məzlumə əhali de amerkə siloh-sursoton vositə ğətlı-am kardey ziyod bey,eyni holədə bə amerkəku bə sehyonist rejimi siloh həvatey vəy qəteyro bıə ziyodə tələbon səbəb bıə.bın cəhətədə 2024-ə sori mayə manqədə Amerkə Konqresi 88 qılə demokratə nımoyəndə de bə amerkə prezdent bıə co baydeni bıə qıləy nomədə hucumi silohon bə sehyonist rejimi həvatey ğədəğənışon kardəbe.çe Amerkə Konqresi nımoyəndəon bə baydeni xitob bıə nomədə jıqo elon kardey bıəbe:”bo bə Ğəzzə tanqə mərdumi humanitarə koməqon rosney royədə çe israyili icod kardə məhdudiyyəton,bə torıxədə nıbə qıləy fociyə bə əməl omey boyis bıə”.çın nımoyəndəon nomədə təkid kardey bıə:”bə çəvon nəzə əsos,bo bə Ğəzzə tanqə mərdumi humanitarə koməqon rosney royədə çe israyili icod kardə məhdudiyyəton,çe İbıə Ştaton ğanunon darışteydə”…..
