Bə Ğəzzə Tabeyin mədrəsə həmlə,israyili devlətə terrorizm
Bə Ğəzzə Tabeyin mədrəsə həmlə,israyili devlətə terrorizm
sehyonist rejimi tərəfiku bə Ğəzzə Tabeyin mədrəsə həmlə bədiqə,Sıpiyə Kə elonış karde:mulki şəxsonku iborət ziyodə odəmon Ğəzzə canqədə kıştə və zəxmin beydən.amerkə 2024-ə sori prezdenti səçıni demokratə nomizəd bıə Kamala Harris həm işğalçiyə sehyonist rejimi tərəfiku bə Tabeyini mədrəsə həmlədə bə ğeyri-hərbi şəxson bıə cinoyətədə,de qıləy kəlmə ıştə norohətçətiş ibroz kardə və bo bə israyili rejimi siloh vığandey oqətey tələb kardə kəson cəmi umuj nıqıniye.tıbğe amerkə mediyaəon bə Ğəzzə Tabeyin mədrəsə həmləsə istifodə kardə bıə bombəon çe amerkə soxtə bombəon bıən.SNN xəbə kanali məlumot doəşe ki,de sehyonist rejimi təvəssıti bə Ğəzzə şəhri Tabeyin mədrəsə həmlə ki, nəticədə sa qıləsə ziyodə fələstınıj bə şəhodəti məğami rəsin iyən çandə da nəfər həm zəxmin bin,çe amerkə soxtə iyən idorə bıə Ci Bi Yu 39 bombəon bıən.de ın tərtibi Vaşinqton de sehyonist rejimi təvəssıti Ğəzzə şəhri məzlumə əhali beməhdudiyyət iyən bemarzə ğətlı-am kardey koyədə de cinoyətkorə israyili rejimi sərost iyən bevositə qıləy şərike.İbıə Ştaton de sehyonist rejimi nisbətədə dı standartinə iyən qıləy rəftorış heste.qıləy holədə ki,çe amerkə konqresi ğanun noə kəsonku ziyodə şəxson bə sehyonist rejimi siloh həvatey mıxolifin.əmmo Sıpiyə Kə ijən hiç qıləy maneyə nıbə holədə bə tel-avivi siloh vığandey koy təkid kardedə və bo Ğəzzə şəhri məzlumə mərdumi ğətl-am kardero,vey zumandə bombəon iyən siloh-sursoti şələon bo sehyonist rejimi vığandedə.həyğətədə,Sıpiyə Kə ijən hiç qıləy maneyə nıbə holədə bə tel-avivi siloh vığandey iyən bo sehyonist rejimi ıştə cinoyəton dəvom doeyro havzə ço nışon doey,səbəb bıə ki,ın cinoyətkorə rejim ısət Ğəzzə canqədə çe ğəhəti iyən vəşyanətiku əziyyət kəşə məzlumə milləti,de amerkə vığandə bombəon vositə bombardımon bıko və deçəvon tuməbıri koy məşğul bıbu.eyni holədə Sıpiyə Kə bə ın ko iddio kardedə ki,Ğəzzə xuninə canqi bə oxo rosnero otəşvəsi tələb kardedə.ısət sıvol iyoe ki,ehyanə həyğətən co baydeni bə ın ko qıləy meylış heste,çən boçi əv nəyinki,bə israyili reijimi qıləy təzyiğ daxil kardedəni,bəlkəm de qıləy minimalə hərəkəti bo sehyonist rejimi idorə bıə bombəon kam həm kardedəni.çumçuko israyili rejimi sərostə formədə Ğəzzə məzlumə milləti hədəf ğərol doydə….
