İron iyən Malaziya:bə seonist rejimi dastək doey bə Ğəzzədə cinoyəton dəvom pəydo kardey səbəb beydə
İron iyən Malaziya:bə seonist rejimi dastək doey bə Ğəzzədə cinoyəton dəvom pəydo kardey səbəb beydə
İron iyən Malaziya:bə seonist rejimi dastək doey bə Ğəzzədə cinoyəton dəvom pəydo kardey səbəb beydə
İron İslom Respublikə prezdent iyən Malaziyə sər vəzir dıtərəfinə mınosibəton oxonə vəzyəti nəzəku dəvordınə holədə və çe Ğərbi Asiyə regiyonədə bıə mevcud hodisəon bərrəsi kardə holədə,bəzi Ğərbi kişfəron bə seonist rejimi dastəki çe Ğəzzə tanqədə cinoyəton dəvom pəydo kardey əsosə səbəb zıneydən.bə Tele-Rədyo xəbə aqentəti doə məlumoti əsos,İron İslom Respublikə prezdent Məsud Pezeşkiyan və Malaziya sər vəzir Ənvər İbreyim telefonə votemonədə çe AİŞ və bəzi Ğərbi kişfəron Ğəzzə tanqədə Fələstini milləti barədə bıə siyosət və hərəkətonışon tənğıd kardə və təkidışon kardə ki,bəzi kişfəron seonist rejimi de mediya iyən silohon himoyə kardey,deçəvon insonə həxon mıdofiyə kardey və Ğəzzədə otəşvəsi icod kardey səyonədə bıə iddiyon zidde.İron İslom Respublikə prezdent iyən Malaziyə sər vəzir həm de seonist rejimi cinoyəton mıborizə bardey iyən Ğəzzə tanqədə ğətlı-am və qenosidi oqəteyro bə İslomə məmləkəton vəhdət iyən həmohənqə fəoliyyəton təkid kardeşone.Malaziya xalğ və hukumət həm bənə İron İslom Respublikə bə Fələstini məzlumə milləti,xususən həm bə Ğəzzə tanqədə bıə mərdumi dastək doydə və bə sehyonsit rejimi kardə cinoyəton ələyhe.
