AİŞ de Ğəzzədə otəşvəsi təklifi əloğədor HƏMAS-i bəyonotış doə.
Fələstini İslomi Mığovimət Hərəkot(Həmas)bə AİŞ Ğəzzədə otəşvəsi təklifi ələyh beşə və elon kardəşe ki,ın plan bə seonist rejimi sər vəziri şərton tam mıtobiğe
AİŞ de Ğəzzədə otəşvəsi təklifi əloğədor HƏMAS-i bəyonotış doə.
Fələstini İslomi Mığovimət Hərəkot(Həmas)bə AİŞ Ğəzzədə otəşvəsi təklifi ələyh beşə və elon kardəşe ki,ın plan bə seonist rejimi sər vəziri şərton tam mıtobiğe.bə Fələstini Tele-Rədyo xəbə aqentəti məlumoti əsos,HƏMAS-i Hərəkot de qıləy bəyonoti dərc kardey,çe AİŞ təklif doə Ğəzzə tanqədə otəşvəsi sazişi ısətnə plan bə seonist rejimi intereson mıvofiğ bey təkidış kardə. Amerkə de Ğəzzə tanqədə otəşvəsi anqıl təklifədə israyili çın məntəğəku təmomən bekardey nəzədə qətə bıəni və israyili rejimi minimum sa qılə fələstınıji məhbuson ozod kardey ələyh beşey həxış bəbe.Həmçinin bə ın təklifi əsos,Ğəzzə tanqədə koməqon nışon doey şərt,de roziyəton qırd bəndon HƏMAS həm daxil bıə holədə həmmə tərəfon roziyəti bə ico bə jimon dəvordıney bəbe.Ğətəri poytaxt Doha,15 və 16 avqust pencşambə iyən cımə rujon Ğəzzə tanqədə AİŞ,Misr və Ğətəri iştiroki otəşvəsi mızokirəon kə soybətiş karde və çı HƏMAS-i iştirok nıkardey və nuyə votemonon əvəzi,bəpe bə navnə roziyəti dığğət bıko.bın miyono AİŞ devlətə katib Antoni Blinken de Ğəzzə tanqədə otəşvəsi anqıl mızokirəon məğsədi ımruj bə Ğahirə omey plan kəşə bıə.
