İroni bə Ərbəyini zəvvoron xıdmət kardey xoto bə İraği mınnətdoətiş kardə.
İroni bə Ərbəyini zəvvoron xıdmət kardey xoto bə İraği mınnətdoətiş kardə.
İroni bə Ərbəyini zəvvoron xıdmət kardey xoto bə İraği mınnətdoətiş kardə.
İroni Bağdadədə bıə səfiri bə İraği Kırdıstoni sər vəziri bə Huseyni Ərbəyini zəvvoron xıdmət kardey xoto təşəkkur kardəşe.bə İRNA doə məlumoti əsos,İroni İrağədə bıə səfirəti mediya ofisi işambə ruji doə bəyonotədə çe İroni İrağədə bıə səfir Məhəmməd Kazım Ali-Sadığ de İraği Kırdıstoni sər vəzir Məsrur Barizani telefonə votemonədə votəşe:Huseyni Ərbəyini İronıjə zəvvoron bə Kırdıstoni regionalə həmkoəti xoto ıştə roziyətişon ibroz kardə.
İraği Kırdıstoni Məntəğə İminə Vəziri həm bə Huseyni Ərbəyini zəvvoron xıdmət kardey qıləy mıborəkə vəzifəş hisob kardə və çəvon nevbəti soronədə həm bə zəvvoron xıdmət kardeyro ıştə umudəvoətiş bəyon kardə.
Hicri 1446-ə sori Səfə manqi 20-ə işambə ruji (25 avqust 2024-ə sori) Ərbəyini ruji çe dınyo şiəyon seminə imom Həzrət İmom Huseyni(ə) şəhodəti 40-ə ruji mıxtəlifə kişfəron və dinonku bıə çandə milyon zəvvor və Əhli-Beyti(ə) aşığon bo İmom Huseyni(ə)iyən boçəy bəfodorə əshobon Kərbəloədə əzodorəti mərasim bərpo kardeşone.İrağədə Həzrət Əbul Fəzl Əbbosi(ə) mığəddəsə turbə de qıləy bəyoniyyə elonışon kardə ki,ımsor Huseyni Ərbəyini zəmonədə (Hicri-Ğəməri 1446/1403 Şəmsi) bə İrağ və mığəddəsə ziyorətqohon 21 milyon 480 həzo 525 zəvvoron şıən.
