Ğəzzə tanqədə hırdənon
Ğəzzə tanqədə hırdənon
Bə vəşyanəti təsiri xoto maq çe vəhşətnokə zılmiku fəğət iqlə nımunəy ki,işğalqə sehyoniston ımonışon bə Ğəzzə tanqədə bıə hırdənon təhmil kardəşone.Yunisefi hardemoni baxşi mudir Viktor Aqvayo elonış kardə ki,Ğəzzə tanqədə 50 həzosə ziyodə hırdənon bə yavə hardemoni şərayiti xoto renc iyən əziyyəti dılədən və bə təcili koməqon niyozışon heste.əmə ısət Ğəzzə tanqədə çe qıləy dıjdə insoni behron,tıpemon iyən hırdənon dəvominə mardey ziyodəti mə`rəzədə ğərolımon qətə.Ğəzzə tanqədə har 10 qılə hırdənonku 9 qılə hırdən bo solimə təkamul iyən ruşdi təzminiro kifoyət ğədərədə bıə hardemon maddəon qıləy dast rəsışon ni və Ğəzzə tanqədə çe hırdənon iyən homilə iyən şıt doə jenon miyono hardemoni maddəonku yavə foydə bardey şiddət pəydo kardey,boçəvon jimoniro qıləy nuyə təhdid bə hisob omeydə.co tərəfiku İMT sıxanəvot Stefan Ducarik çəşnaviş doə ki,I milyonisə veyə inson dəvardə avqustə manqədə çe Ğəzzə tanqə cənub iyən mərkəzədə xorəki koməqon ğəbul kardeyışon zınəni.
Bo Fələstıni Avərəonro İMT İmdod iyən Ko Aqentəti(Anrova)qıləy hisobotədə çe şiddətinə rufi iyən psixi ziyonon ki,Ğəzzə tanqədə fələstınıjə hırdənon bə işğalqərə sehyoiston daymi surətədə bə ın məntəğə bıə təcavuzon həxədə çəşnaviş doə və elonış kardə ki,Ğəzzə hırdənon çe iztirobiku bıə vironəkə səthonku əziyyət kəşeydən. həmçinin Anrova hisobotış doə ki,çe Ğəzzə tanqə mərdumi 90 fayiz komilə surətədə boştə hardemoni mənbəon təmin kardero bə koməqon daxil bey niyozış heste.bın miyono çe hırdənon vəzyəti vey yavə beyku xəbəş doə və əvonış çe kamə oviku iyən yavə hardemoniku əzobi dılədən.Yunisefi icroiyyə direktori votəşe:Ğəzzə tanqədə ın mığdorədə maq ki,bın çandə manqi bəy şoyd bıəmon və dınyo kom qıləy canqədə jıqo çi bə əməl oməni.Həmasi rəhbəronku qıləyni Usamə Həmdani elonış kardə ki,sehyonistə dışmen Ğəzzə tanqədə həmmə dəvardəcoonış dəvastə və bə vəşyanəti xoto bıə maq bın tanqədə bə qıləy həyğəti təbdil bıə.işğalqərə sehyoiston iyən faşiston bə Ğəzzə tanqədə bıə fələstınıjon ələyh bəştə cinoyətkorə hərəkəton dəvom doydən.əy bə yodış dənoə ki,5 sinniku bəkam 350 həzo hırdən Ğəzzə tanqədə de xorəki maddəon kaməti dimbədimin....
