Pars Today

Çı İraği parlamenti mudafiyə və əmniyyət kamissiya rəis xəbəş doə ki Amerkə vey cəhd kardə ta Ələnbar ostanədə bıə hərbiyə əməliyatonədə çı İraği sərhəddiyə şəhron ozod kardero iştirok bıkə əmmo dıvlət və parlament çın muhimmə əməliyatədə bə Amerkə hərbiyon mıdoxilə karde imkon və icozə ni bədoy.

Hakım Əlzameri votışe: Amerkə çımiku bə nav həm cəhdış kardə bıə be ki Musol ostani ozod karde əməliyatonədə iştirok bıkə əmmo nomid bey bəpeştə ısət Ələnbar ostani ğərbədə bıə sərhəddiyə əməliyatonədə iştirok peydo karde pidəşe.

Çı İraği parlamenti mudafiə və əmniyyət kamissiya rəis əlovəş kardə: İraği hərbiyon ıştən karde bəznen ıştə kişvəri çand həzo kilo metri ozod bıkən ijən Amerkə hərbiyon jıqonə plan və hərəkət bə İrağ, İraği millət, dıvlət və hərbion tohin və be ehtıromtəti karde mənodəy.

Isət bə 7 həzo nəfər nızi çı Amerkə hərbion İrağədə Səlaheddin, Musol və Ələnbar ostanonədə bıə bazaonədə huzurışon heste.