Ərağçi:Umudəvomon ki,Səudiyyə Ərəbıstonədə bıə məsləhət kardeyon bə reqiyoni sulh bəvarde
Ərağçi:Umudəvomon ki,Səudiyyə Ərəbıstonədə bıə məsləhət kardeyon bə reqiyoni sulh bəvarde
Ərağçi:Umudəvomon ki,Səudiyyə Ərəbıstonədə bıə məsləhət kardeyon bə reqiyoni sulh bəvarde
İron İslom Respublikə Xarici Koon Vəzir bə Səudiyyə Ərəbıstoni poytaxt Ər-Riyadi şeyə zəmonədə,ıştə səfə əsosə məğsədış reqiyonalə məsələon mızokirə kardeyış bəyon kardə və votəşe:Umudəvomon ki,çəmə məsləhət kardeyon bo Fələstin,Livan və məntəğədə sulhiro bə vey çokə nəticəon bekardey bəzıne.
Bə İRNA doə məlumoti əsos, de Səudiyyə rəsmiyon vindemoniro və sehbət kardero zinə ruji (çoşanbə) bə ın kişfər şeyə İroni xarici koon vəzir Seyd Əbbos Ərağçi ıştə Ər-Riyadədə bıə səfə məğsədon barədə votəşe: çəy bın səfəku bıə hədəf və məğsəd,reqiyoni problemon və bın reqiyonədə bə əməl omə hodisəon,Ğəzzə iyən Livanədə çı seonist rejimi kardə cinoyəton,holı-hozıədə Livanədə dəvitəyon və bəvon çokonə koməq kardey barədə bıə məsləhət iyən məşvərətonin .
İraqçi əvış həm əlovə kardə ki,İron və Səudiyyə Ərəbıstoni miyono rabitəon inkişof kardedə və çokə istiğomətədə bənav şeydə.İroni xarici koon vəzir Seyd Əbbos Ərağçi zinə bə Ər-Riyadi səfə və de Səudiyyə Ərəbıstoni Xarici Koon Vəziri mıovin Əbdul Rəşid Əs-Səmmari çı xarici koon vəzərətxonədə ğəbul kardey bədiqə de Səudiyyə Ərəbıstoni xarici koon vəzir Əmir Feysəl bin Fərhani dido iyən votemonış kardə.
