Burucırdi votışe: de İron əloğə oqətero məntəğə kişvəron bəbe ıştə rabitə və siyasətonədə ujnən diyə bıkən.
-
İğtisodiyə canqiku bəbe deşmən nomid bıbu.
İroni məclesi xarıci siyasət və milli əmniyyət kamissiya rəis votışe: İroni prezidentəti səçınədə milləti əzəmətinə huzuri vinde bəpeştə lozime ki məntəğə kişvəron ıştə hisob kitobonədə və de İron əloğə oqətero ujnən diyə kən.
İroni məclesi xarıci siyasət və milli əmniyyət kamissiya rəis Əlaiddin Burucırdi votışe: İroni millət səçınədə deştə əzəmətin iştirok bo iğtisodiyə sanksiyaon icod əkə deşməniro mıəyyənişon kardə ki de iğtisodiyə sanksiyaon milləti nomid karde imkonış ni.
Burucırdi təsdiğış kardə: ğərbiyə kişvəron etırof kardedən ki bo İroni milləti əzəmətin huzuriro hiç nımunə və stajış ni ijən iğtisodiyə canqiku bəbe deşmən nomid bıbu.
Əv ijən bə Ərəbistoni tojə hərəkət 50 qılə islamiyə kişvəron dəvət karde ijən əvoni bə Trampi tono barede işorəş karde və votışe: Amerkə həmişə pidəşe ki bo İron İslam Respublika çandə problemon icod bıkə əmmo İroni milləti huzur ijən səçınədə əzəmətinə iştirok həmişə çı Amerkə hərəkəton və bevəcə planon xonsaş kardə.
