Ali Xəlifə rejim bo tojə kıştə bıə etıroz əkəyon təşyi cənozə mərasimi dəvoniyero icozə ni bədoy.
-
Şəhidon təşi cənozə jıqo dəvoniye ujnən çı Ali Xəlifə tərəfiku qıləy cinoyəte.
Ali Xəlifə rejim pidəşe Əddəraz məntəğədə kıştə bıə kəson cənozəon jəqo be ım ki çəvonro təşyi cənozə mərasim əncom bıbu dəfn bıkə.
Bə İrib raporti əsos Bəhreyni hukumət həmonə muxalifə şəhrvandoni ki bə Şeyx İsa Ğasım tərəfdarti kardero kıştə bıən çəvon cənozəon be ım ki təşie cənozə mərasimon bərpo bıbu dəfn bıkə.
Çı Bəhreynıjə muxalifə kıştəiyə şəhrvandon ailəon qıləy bəyoniyədə elanışon kardə: polis ıştə telefoniyə rabitədə votəşe ki fəğət har ailəku 2 nəfər karde bəzne ım mərasimonədə ıştirok bıkə.
Matəm vində ailəon bəyoniyədə ğeyd bıə ki çəmə əzizon təşi cənozə jıqo dəvoniye ujnən çı Ali Xəlifə tərəfiku qıləy cinoyət heste.
Tojədən çı Bəhreyni insonə həxon təşkilat elanış kardə ki Ali Xəlifə rejim pidəşe Əddəraz məntəğədə kıştə bıə kəson miğdor ijən ıştə cinoyəti barədə məlumaton məxfi bıkə bə çəy xoto kıştə bıə kəson cənozəon bə çəvon ailəon doe pidəş ni.
Dəvardə haftədə çı Bəhreyn rejimi əmniyyətiyə ğıvvon bə Şeyx İsa Ğasımi kə hucumışon kardə ijən 6 nəfəri şəhid, 200 nəfəri zəxmin və be 300 nəfər nızi çı Şeyx İsa Ğasımi tərəfdaron dəstqir kardeşone.
