İraği paytəxtədə çı Muğtəda Sədri tərəfdaron etıroz aksiya.
Bəğdadi Əltəhrir meydonədə çı Muğtəda Sədri tərəfdaron İrağədə səçıni intixabat ğanuni əvəz karde tələb kardışone.
Bə İrib raporti əsos İraği sədr nomo bıə cərəyoni lider, Muğtəda Sədri çand həzo nəfəri tərəfdaron zinə bə İraği intixabat ğanun və kamissiya fəaliyəton etıroz kardero Bəğdadi Əltəhrir meydonədə etıroz aksiya dəvonişone.
Etıroz əkəyon i tərəf intixabati ğanuni əvəz karde və co tərəf intixabat aliyə kamissiya və şura aliyə rəis iyən mudiron bə kəno noe pidəşone.
Muğtəda Sədr həm ıştən cəmaəti dılədə huzur peydo kardə və qıləy nıtğədə İraği dovtələbə ğıvvon(Həşd-Əlşəəbi) çı İraği hərbion və dıvləti kontrol iyən nəzorəti jentonədə ğəror qəte tələbış kardə və hol ım ki de İraği parlamenti sədoon və təsdiğ bıə ğanuni bərobər Həşd-Əlşəəbi çı İraği hərbionku i qılə rəsmi baxş hisob bıə.
Muğtəda Sədr 2 ruj Ərəbistoni vəliəhd(kırali canışin) mıloğat karde bəpeştə İrağədə ıştə tərəfdoron bə etıroz karde vanqış kardə.
Bəğdadi Əltəhrir məntəğədə əmniyyətiyə tədbiron ijən dəvomış heste.