Muctəhed:Ərəbıstonı vəliəhd yəmənı cənub hissədə İ bə ərəbon əmirəti dastış oj haştə.
Ərəbıstonədə tuvitter səhifədə fəalə şəxs Muctəhed faşış karde səudiyyə ərəbıstonı vəliəhd yəmənı cənubədə İ bə ərəbon əmirəti dastış oj haştə və"zumandə tofan" nomo bıə əməliyat həğiğətdə yəmənı məmləkətdə bə islami zid canqe.
Bə telerədyo aqentəti xəbon əsosi Muctəhed ki ale səud rejimi ailə tənğid kardəkəsonkuy və çəy həğiğiyə nom hələ oşko ni ıştə şəxsiyə səhifədə nıvıştəşe Səudiyyə Ərəbıstonı vəliəhd Muhəmməd Bin Səlman yəmənı canqədə bəştə şərik vədəş doə yəmənı cənubiyə məntəğonədə İ bə ərəbon əmirəti ğıvvon vırə kardeədə yəmənı muxalifə qrupon doəro oqəteyu ıştə nufuziku istifadə bəkay.
Muctəhed yəmənı Şəboh ostani bəzi məntəğonədə bə İ bə ərəbon əmirəti ğıvvon nufuzi işarəş karde və ıştə sıxanon dəvomədə əlavəş karde Əbozəbi əvvəl hərco mərcə şərayeti icod kardeyu I qrup terrorist bə məntəğə vığandedə və peso əmniyyəti bərğəror kardeyu əmniyyətiyə ğıvvon bə həmonə məntəğon vığandedə.
