Yəmənı silahlinə ğıvvon de rəketi bə Səudiyyə Ərəbıstonı hərbiyə mərkəzon hucum bardən.
Yəmənı silahlinə ğıvvon iyən mubarizə əkon Ərəbıstonı cənub Cazan məntəğədə bə Səudiyyə Ərəbıstonı hərbion cəm bə vırə de rəketi hucum bardən.
Bə Əlaləm TV ımrujnə xəbon əsosi ım rəketon Zelzal 2 və Katiyoşa modelədə bə rəketonku bən ki Cazan məntəğədə bə Bəvabə Əlmusem nomo bə hərbiyə mərkəzi ğərb hissə qınedə.
həminə holədə yəmənı hərbiyə mənbəon elanışon kardə yəmənı silahlinə ğıvvon və Ənsarullah hərəkat Ərəbıstonı cənub Əltəval məntəğə iyən Əlğənbur hərbiyə mərkəzədə bə Səudiyyə Ərəbıstonı muzdoron cəm bə vırə hucum bardən.
rəsə xəbon bimiku hikayət kardə ki Səudiyyə Ərəbıstonı hərbion iyən muzdoronku çandənəfər bə həlokət rəsən.
ale səud rejim 2015 minnə sori martə manqiku de Amerkə iyən məntəğə bəzi ərəbiyə məmləkəton koməkəti bə Yəmən hucum kardə və desbə ısət 12 həzo nəfərisə veyə yəmənıj kıştə bən.
