Pars Today

İraği i minə vəzir ımruj pencşəmbə Kərkuk ostanədə Əlhəvicə məntəğə ozod karde əməliyati bino beyku xəbəş do.

Bə Fars aqentiyəti raporti əsos İraği i minə vəzir və çı İraği həmmə silohinə ğıvvon fərmondə, Heydər Əl-İbadi qıləy bəyoniyə vasitə elanış karde ki çı İraği həmmə vırəon ozod karde ijən Daeş terroristiyə qrupi dastiku məntəğəon xilos karde çərçivədə çı Əlhəvicə məntəğə ozod karde əməliyoton i minə mərhələ bino bıə.

Əl-İbadi təkidış karde: İraği hərbion həmzəman çand cəhbədə bə canq məşğulin ijən detos bə ısət vey bevəcə vəziyəti bo İşidi uzvon ijən co terroriston icud kardəmone.

Seşəmbə rujiku həm İraği Ələnbar ostani Ənəh şəhri ozod karde əməliyat həm de İraği hərbion, polis ğıvvon və Həşdul-Şəbi qrupi huzuri bion bıə be.

İraği hərbion ım haftədə muvəffəğ bən Ələnbar ostani Əkaşat məntəğə həm çı Daeş terroristiyə qrupi dastiku ozod bıkən.